សំឡេង​កម្ពុជាក្រោម​

អហំរីខ្ញុំសូមវន្ទា                     អង្គព្រះភគវាម្ចាស់សាសនា ព្រះអង្គជាគ្រូមនុស្សទេព្តា រកសាស្តាចារ្យណាផ្ទឹមគ្មាន ។ បង្គំព្រះធម៌ដ៏ប្រសើរ ដែលទុកស្មើប្រៀបដូចជាស្ពាន ចម្លងសត្វផងរាប់សែនលាន កាន់ស្ថាននិព្វានបានសុខា ។ បង្គំព្រះសង្ឃអង្គអយ្យបុត្រ ជាសាវ័កពុទ្ធទ្រង់សីលសិក្ខា លោកជាបុញ្ញក្ខេតដ៏ថ្លៃថ្លា ខ្ញុំសូមនមស្ការដោយគោរព ។ សូមសួរសុខទុក្ខមាមីងយាយតា យុវ័នកញ្ញាគ្រប់ជន់ថ្នាក់ មករំលែកទុក្ខយ៉ាងស្មោះស្ម័គ្រ សូមសួររាក់ទាក់ដោយមេត្រី ។ ខ្ញុំកាន់សៀវភៅអាននូវអត្ថបទ ជីវកំណត់ប្រវត្តិបែបខ្លី ជូនញាតិជិតឆ្ថាយទាំងប្រុសស្រី ដែលមកប្រាស្រ័យយ៉ាងត្រៀបត្រា។ តែមុននឹងអានខ្ញុំសូមទោស អភ័យកំហុសគ្រប់រូបា ទោះបីអានទៅខុសឆ្គងបែបណា តាមសេចក្តីចារដូចតទៅនេះ ។

ទូក​របស់​សហព័ន្ធ​ខ្មែរ​កម្ពុជា​ក្រោម​ បាន​ទទួល​មេ ដាយ​មាស និង​មេដាយ​ប្រាក់ ក្នុង​ចំណាត់​ថ្នាក់​លេខ​១ និង ​លេខ​២ ពី​ការ​អុំ​ ប្រណាំង​ជា​លក្ខណៈ​អន្តរ​ជាតិ។ ការ​អុំ​ប្រណាំង​ប្រព្រឹត្ត​ទៅ​ក្នុង​ទី​ក្រុង Tampa នៃ​រដ្ឋ Florida សហ​រដ្ឋ​អាមេរិក ពី​ថ្ងៃ​ទី​២៩ ខែ​កក្កដា ដល់ ​ថ្ងៃ​ទី​៨ ខែ​សីហា ឆ្នាំ ២០១១។ ពល​រដ្ឋ​ខ្មែរ​ក្រោម និង​ សហព័ន្ធ​ខ្មែរ​ក្រោម​ក្នុង​សហ​រដ្ឋ​អាមេរិក​ បាន​សម្ដែង​ មោទនភាព​របស់​ ខ្លួន​ក្នុង​ការ​ខិតខំ​ប្រកួត​ប្រជែង​យក​ មេដាយ​មាស និង​មេដាយ​ប្រាក់ ពី​ការ​អុំ​ទូក​ប្រណាំង ជា​លក្ខណៈ​អន្តរ​ជាតិ។ ពួក​គេ​និយាយ​ថា ជ័យ​ជម្នះ ដែល​គេ​ទទួល​បាន​ដោយ​សារ​កម្លាំង​សាមគ្គីភាព និង​ការ​ព្យាយាម​បង្ហាញ​ពី​សមត្ថភាព បច្ចេកទេសនៃ​កីឡាករ ​ខ្មែរ​ក្រោម។

អ្នកស្រី ត្រឹន ធីចូវ ដែលជាសកម្មជនខ្មែរក្រោម ដែលហ៊ានក្រោកឡើងតវ៉ា ចំពោះបញ្ហាដីធ្លី ដែលត្រូវ បានអាជ្ញាធររំលោភបំពានរឹបអូសយក។ ក្រោយពីការតាវ៉ាទាមទាររឿងដីធ្លីរួចមក អ្នកស្រី ត្រឹន ធីចូវ ក៏ត្រូវ បានអាជ្ញាធយួនរចាប់ដាក់គុក ដែលរហូត មកទល់ នឹងពេលនេះ អស់រយៈពេលជាង ១ឆ្នាំ ហើយ។ ប៉ុន្តែ អាជ្ញាធរយួន នៅតែមិនទាន់ដោះលែង រូបគាត់ នៅឡើយ។ តាមសេចក្តីរាយការណ៍មក បានឲ្យដឹងថា អ្នកស្រីកំពុងរស់ នៅក្នុងពន្ធនាគារត្រូវ រងនូវទារុណកម្មយ៉ាងធ្ងន់ធ្ងរ។ ចំណែកឯស្ថានភាពក្រុមគ្រួសាររបស់គាត់ ឯណោះ វិញ ក៏កំពុងតែជួប នឹងបញ្ហាទុក្ខលំបាក់ខ្លាំង ណាស់ដែរ។ ជុំវិញករណីនេះ សហការីនៃវិទ្យុសំឡេង កម្ពុជាក្រម បានរាយការណ៍ និងឆ្លើយឆ្លងព័ត៌មាន ដូចតទៅនេះ៖ .

ប្រភពព័ត៌មានពីស្រុកស្វាយទង ខេត្តមាត់ជ្រូក បានឲ្យ ដឹងថា អាជ្ញាធរយួនក្នុងស្រុកស្វាយទង ខេត្តមាត់ជ្រូក កំពុងតែគាបសង្កត់ បំបិទសិទ្ធិសេរីភាពបងប្អូនខ្មែរ ក្រោម នៅស្រុក ស្វាយទង ខេត្តមាត់ជ្រូក កាន់តែខ្លាំង ឡើងៗ។ ថ្មីៗនេះ អាជ្ញាធរយួនបានធ្វើការហាមឃាត់ មិនឲ្យ ប្រជាពលរដ្ឋខ្មែរក្រោម តម្លើងថាសផ្តាយរណប ឬអង់តែនទូរទស្សន៍ នៅតាមផ្ទះ ទោះបីក្រុមគ្រួសារ ដែលមានលទ្ធភាពតម្លើងថាសផ្តាយរណប ឬអង់តែនទូរទស្សន៍មានចំនួនតិចតួចក៏ដោយ។ ជុំវិញហេតុការណ៍ ទាំងអស់នោះ សហការីនៃវិទ្យុសំឡេងកម្ពុជាក្រម លោក ថង ប៊ុនថា ធ្វើបទសម្ភាសន៍ជាមួយ នឹងអ្នកស្រី នាងសុភាព ដែលមានខ្លឹមសារ ទាំងស្រុងដូចតទៅនេះ៖ .

អស់លោក អ្នក នាង មិត្ត អ្នកស្តាប់វិត្យុសំឡេង កម្ពុជាក្រោមជាទីរាប់អាន អាជ្ញាធរយួន នៅតែបន្ត ហាមឃាត់ពលរដ្ឋខ្មែរក្រោម ដែលកំពុងរស់ នៅដែនដី កម្ពុជាក្រោម មិនឲ្យមើលប៉ុស្តិ៍ទូរទស្សន៍ខ្មែរ ដែល ផ្សាយចេញពីប្រទេសកម្ពុជា។ ហើយអាជ្ញាធរយួន តែងតែពិន័យ ទៅលើព្រះសង្ឃ និងពលរដ្ឋខ្មែរក្រោម ណា ដែលបានប្រើប្រាស់ ខ្ទះផ្កាយរណប់។ ខណៈ ដែលជនជាតិនានា នៅជុំវិញពិភពលោក អាចមាន សិទ្ធិមើលព័ត៌មាន ដោយសេរី។ ជាពិសេសអនិកជន ឬជនអន្តោ ប្រវេសន៍ ជនជាតិយួន ដែលកំពុងរស់ នៅក្នុងប្រទេស កម្ពុជា សព្វថ្ងៃអាចមើលទូរទស្សន៍យួន ដែលផ្សាយ ចូលពីប្រទេសវៀតណាម ដោយសេរីតែមិនត្រូវបាន អាជ្ញាធរខ្មែរហាមប្រាម និងធ្វើការពិន័យឡើយ។ ជុំវិញបញ្ហានេះ លោក ហៅ ឈួនលី រាយការណ៍ដូចតទៅ៖ Texte alternatif.

កាលពីថ្ងៃសៅរ៍ ទី១៥ មករា ម្សិលមិញនេះ សាខា សហព័ន្ធខ្មែរកម្ពុជាក្រោម នៅប្រទេសកាណាដា បានបើកអង្គប្រជុំប្រចាំឆ្នាំរបស់ខ្លួន ក្រោមអធិបតីភាព លោក តោ គឹម ថុង អធិបតីសហព័ន្ធខ្មែរកម្ពុជាក្រោម ដែលមានសមាជិក-សមាជិកា នៅតាមបណ្តា ខែត្រ- ក្រុងនានានៃប្រទេសកាណាដា យ៉ាងច្រើនកុះករ ដើម្បីស្តាប់នូវរបាយការណ៍ និងផែនការណ៍សម្រាប់ឆ្នាំ ២០១១ ក្នុងដំណើរឆ្ពោះទៅកាន់មាតុភូមិ គឺសិទ្ធិ សម្រេចវាសនា ខ្លួនដោយខ្លួនឯង ពីនឹមអាណា និគមយួនបច្ចុប្បន្ន។ Texte alternatif.

ប្រភពពត៌មានពីកម្ពុជាក្រោម បានថ្លែង ប្រាប់វិទ្យុ សំឡេងកម្ពុជាក្រោម មុនការផ្សាយបន្តិចនេះថា កាល ពីថ្ងៃអង្គារ៍ទី ២៨ធ្នូ ម្សិលមិញនេះ រដ្ឋអំណាចយួន កុម្មុយនីស្ត ស្រុកស្វាយទង ខែត្រមាត់ជ្រូក ទឹកដី កម្ពុជាក្រោម បានកោះហៅប្រជាពលរដ្ឋខ្មែរក្រោម ជាច្រើនគ្រួសារ ទៅសាលាស្រុក បង្ខំឱ្យឆ្លើយដាក់កំ ហុសទៅលើលោក ចៅ ហេនថា ជាអ្នកប៉ះបោរ ប្រើ អំពើហឹង្សា ដឹកនាំប្រជាពលរដ្ឋបំ ផ្លាញទ្រព្យសម្បតិ្ត របស់រដ្ឋ។ យោងតាមលិខិតរបស់រដ្ឋអំណាចយួន បានចោទលោក ចៅ ហេន ពី​បទ​បំផ្លិច​បំផ្លាញ ឬ​មាន​ចេតនា​បំផ្លាញ​ទ្រព្យ ដោយ​យោង​តាម​មាត្រា​១៤៣ និង​មាត្រា​២៤៥ ពី​បទ​បង្ក​អសន្តិសុខ​ក្នុង​ទី​សាធារណៈ នៃ​ច្បាប់​ព្រហ្មទណ្ឌ​សាធារណរដ្ឋ​សង្គម និយម វៀតណាម។ សូមរំលឹកផងដែរថា លោក ចៅ ហេន អាយុ​៥៦​ឆ្នាំ ដែល​ត្រូវ​បាន​អាជ្ញាធរ​យួន​ចាប់​ឃុំ​ខ្លួន​នេះ ធ្លាប់​បាន​ដឹក​នាំ​ប្រជា​ពល​រដ្ឋ​ចំនួន​ប្រមាណ ៦០០​នាក់ ធ្វើ​បាតុកម្ម​តវ៉ា​យក​ដីធ្លី​កសិកម្ម​មក​វិញ កាល​ពី​ឆ្នាំ​២០០៧ […]

កាលពីល្ងាច ថ្ងៃអាទិត្យទី ២៤តុលា ម្សិល មិញនេះ សាខាសហព័ន្ធខ្មែរកម្ពុជាក្រោម ប្រចាំទីក្រុងសាន់បើណាឌីណូ នៃរដ្ឋកាលី ហ្វ័រញ៉ា ភាគខាងត្បូង បានរៀបចំបើកកិច្ចប្រជុំ វិសាមញមួយ ដើម្បី បោះឆ្នោតជ្រើសរើស ប្រធានសាខាសហព័ន្ធ ក្រោមការចាត់តាំង របស់អ្នកស្រី ថាច់ សុផាន ប្រធានសាខា សហព័ន្ធខ្មែរកម្ពុជាក្រោម ប្រចាំរដ្ឋកាលីហ្វ័រ ញ៉ា ភាគខាងត្បូង នៅគេហដ្ឋាន លោក ថាច់ រី សកម្មជនសហព័ន្ធ ដោយមាន សមាជិក-កា សូមចុចស្តាប់សេចក្តីរាយការណ៍របស់អ្នកស្រី កៀង ប្រមូល វិទ្យុសម្លេងកម្ពុជាក្រោម ពីសហរដ្ឋអាមេរិក

កាលពីព្រឹក ថ្ងៃសៅរ៍កន្លងទៅថ្មីៗនេះ មានប្រជាពលរដ្ឋខ្មែរ នៅប្រទេស កាណាដា ប្រមាណជា ១០០នាក់បាន រួមគ្នាធ្វើបាតុកម្មអហិង្សា ដើម្បីរំលឹក ទិវាខួបទី ១៩ស្តីពីកិច្ចព្រមព្រៀង តាម សន្ធិសញ្ញាក្រុងប៉ារីស ថ្ងៃទី ២៣ ខែតុលា ឆ្នាំ ១៩៩១ នៅមុខសភាជាតិ នាទីក្រុង អូតាវ៉ា ប្រទេសកាណាដា។ បន្ទាប់តទៅនេះ សូមអស់លោក លោកស្រី អញ្ជើញតាមដានស្តាប់បទ យកការណ៍ជុំវិញព្រឹត្តិការណ៍នេះ រៀបរៀងដោយកញ្ញា ថាច់ សុជាតា ដែលមានខ្លឹមសារ និងសម្លេងដើមទាំងស្រុងដូចតទៅ៖ .

អស់លោក អ្នកនាង និងមិត្តអ្នកស្តាប់ ជាទីមេត្រី ថ្ងៃនេះ ជាទិវាប្រវត្តិសាស្រ្ត សម្រាប់ជនរួមខ្មែរ នៅទូទាំងពិភព លោក ២៣តុលា ឆ្នាំ១៩៩១ស្តីអំពី កម្ពុជា ហើយក៏ជាទិវាខួប ឆ្នាំទី១៩ នៃកិច្ចព្រមព្រៀងសន្តិភាព អន្តរជាតិ នៅទីក្រុងបារីស ប្រទេសបារាំង។ ១៩ឆ្នាំ បានកន្លងទៅប្រទេសកម្ពុជា សព្វថ្ងៃ នៅមិនទាន់បានទទួលនូវ ភាពឯករាជ្យពិតប្រាកដ ឡើយ។ សូមចុចស្តាប់សេចក្តីរាយការណ៍របស់អ្នកស្រី កៀង ប្រមូល វិទ្យុសម្លេងកម្ពុជាក្រោម ពីសហរដ្ឋអាមេរិក ដោយហេតុថា ជនអន្តោប្រវេសន៍យួន កំពុងហូរចូលស្រុកខ្មែរឥតឈប់ឈរ និងអ្នក កាន់អំណាចសព្វថ្ងៃ ក្រោមខ្សែញាក់ របស់ចៅហ្វាយ ពីក្រុងហាណូយ រួមទាំងប្រទេសជិត ខាងមិនដែលគោរពសន្ធិសញ្ញាអន្តរជាតិនោះម្តងណាឡើយ។