សារជូនពរឆ្នាំថ្មី ឆ្នាំ ២០១៨
របស់ប្រធានប្រតិបត្តិនៃសហព័ន្ធខ្មែរកម្ពុជាក្រោម
ថ្ងៃសុក្រ ទី ២២ ខែធ្នូ ឆ្នាំ ២០១៧
សូមថ្វាយបង្គំចំពោះព្រះថេរានុថេរៈ គ្រប់ព្រះអង្គ!
សូមគោរពចំពោះសមាជិក សមាជិកា និង អ្នកគាំទ្រសហព័ន្ធខ្មែរកម្ពុជាក្រោម ព្រមទាំង បងប្អូនជនរួមជាតិនៅជុំវិញពិភពលោក ជាទីស្រឡាញ់ !
នៅក្នុងបុណ្យចូលឆ្នាំថ្មី ឆ្នាំសកល ២០១៨ ជិតឈានចូលមកដល់នេះ ក្នុងនាមសហព័ន្ធ ខ្មែរកម្ពុជាក្រោម (KKF) ខ្ញុំព្រះករុណា ខ្ញុំបាទ សូមប្រគេន និងជូនពរដល់ព្រះសង្ឃគ្រប់ព្រះអង្គ បងប្អូនជនរួមជាតិខ្មែរនៅដែនដីកម្ពុជាក្រោម និងនៅជុំវិញពិភពលោកឲ្យបានទទួលនូវសព្ទ សាធុការពរឆ្នាំថ្មី ប្រកបដោយសេរីសួស្ដីជោគជ័យនៅក្នុងជីវិតនិងគ្រួសារ ។
នៅតែប៉ុន្មានថ្ងៃទៀតប៉ុណ្ណោះដល់ថ្ងៃចូលឆ្នាំហើយ ។ វាជាការល្អក្នុងការមើលទៅមុខ និងគិតអំពីអ្វីដែលយើងបានទទួលនៅក្នុងឆ្នាំនេះ ។ យើងក៏ត្រូវពិនិត្យឡើងវិញផង ដែរនូវអ្វី ដែលយើងបានធ្វើនៅក្នុងឆ្នាំ ២០១៧ ។ ជាដំបូង ខ្ញុំព្រះករុណា ខ្ញុំបាទ សូមថ្លែងអំណរគុណ យ៉ាងជ្រាលជ្រៅចំពោះថ្នាក់ដឹកនាំ សមាជិក និង សមាជិកា នៃសហព័ន្ធខ្មែរកម្ពុជាក្រោមគ្រប់ ជាន់ថ្នាក់នៅជុំវិញពិភពលោក ដែលបានខិតខំធ្វើការមិនខ្លាចនឿយហត់ក្នុងការនាំមកនូវសិទ្ធិ ជាមូលដ្ឋានជូនដល់ពលរដ្ឋខ្មែរក្រោមនៅកម្ពុជាក្រោមដែលមិនមានសំឡេង ហើយត្រូវតែត្រូវ បានទទួលនូវការការពារ និងលើកកម្ពស់ដោយសេចក្ដីប្រកាសជាសកលរបស់អង្គការសហប្រ ជាជាតិស្ដីពីសិទ្ធិជនជាតិដើម (UNPFII) ។
ឆ្នាំ ២០១៧ ជាឆ្នាំសម្រាប់យើងទាំងអស់គ្នានៃសហព័ន្ធខ្មែរកម្ពុជាក្រោម ។ ឧបសគ្គ នានាដែលសហព័ន្ធខ្មែរកម្ពុជាក្រោម (KKF) បានជួបប្រទះនោះ ថ្នាក់ដឹកនាំនៃសហព័ន្ធខ្មែរ កម្ពុជាក្រោម បានធ្វើការជាក្រុមចាត់ចែងនូវសកម្មភាពរបស់ខ្លួននៅជុំវិញពិភពលោកប្រកប ដោយប្រសិទ្ធភាព និងជោគជ័យគ្រប់ភារកិច្ច ។
សម្រាប់ព័ត៌មានបន្ថែមអំពីសកម្មភាពប្រចាំឆ្នាំ ២០១៧ របស់សហព័ន្ធខ្មែរកម្ពុជាក្រោម សូមអញ្ជើញអាននូវរបាយការណ៍របស់យើង ដែលបានចុះផ្សាយនៅលើគេហទំព័រផ្លូវការនៃ សហព័ន្ធខ្មែរកម្ពុជាក្រោម (www.khmerkrom.org) និងទស្សនានូវវីដេអូ ដែលយើងបានដាក់ ផ្សាយនៅលើទូរទស្សន៍ ព្រៃនគរ ។
ទោះបី សហព័ន្ធខ្មែរកម្ពុជាក្រោមបានទទួលជោគជ័យនៅក្នុងបេសកកម្មឆ្នាំ ២០១៧ ក៏ប៉ុន្តែក្នុងឆ្នាំថ្មីនេះ យើងក៏ត្រូវប្រឈមនឹងឧបសគ្គកាន់តែច្រើន ផងដែរ ។ វាមានសារៈ សំខាន់ ខ្លាំងណាស់សម្រាប់យើងក្នុងការប្រើប្រាស់ពេលវេលាប្រកបដោយភាពឈ្លាសវៃ និងការធ្វើ ដំណើរឆ្ពោះទៅមុខប្រកបដោយភាពម៉ឺងម៉ាត់ និងរួតរះបំផុតតាមអ្វីដែលយើងអាច ធ្វើបាននៅ ក្នុងឆ្នាំ ២០១៨ ។ វានឹងអាចធ្វើទៅបានដោយវិធីម្យ៉ាង ដោយសមាជិកសហព័ន្ធខ្មែរ កម្ពុជា ក្រោមម្នាក់ៗបន្តគាំទ្រ លះបង់ និងធ្វើការជាមួយគ្នាជាក្រុម (Teamwork) ។ យើងនឹងបន្ត បំពេញការងារនៃសហព័ន្ធខ្មែរកម្ពុជាក្រោមជាលក្ខណៈក្រុម ក្រោមការដឹកនាំរបស់សមាជិក នៃគណៈកម្មការនាយករបស់សហព័ន្ធខ្មែរកម្ពុជាក្រោម និងសំខាន់បំផុត ដើម្បីធានាឲ្យបានថា គ្មាននរណាម្នាក់នៅលើច្បាប់ឡើយ ។
រៀងរាល់ឆ្នាំថ្មីម្ដងៗ តែងតែផ្តល់ឲ្យយើងនូវឱកាសដ៏ល្អឥតខ្ចោះ ដើម្បីចាប់ផ្តើមនូវអ្វី ដែលថ្មី និងភាពស្រស់ថ្លា ។ ធ្វើការជាក្រុមនៅក្នុងគ្រួសារ នៃសហព័ន្ធខ្មែរកម្ពុជាក្រោម យើង នឹងបន្តធ្វើការរួមគ្នា ដើម្បីធានាថា ប្រជាជនរបស់យើងនៅក្នុងស្រុកអាចរីករាយនឹងសេរីភាព របស់ពួកគេ នៅពេលដែលយើងរស់នៅបរទេស ។
សួស្ដីឆ្នាំថ្មី ឆ្នាំ ២០១៨ !
ដោយសេចក្ដីគោរពរាប់អានពីខ្ញុំព្រះករុណា ខ្ញុំបាទ ។
ប្រាក់ សេរីវុឌ្ឍ
ប្រធានប្រតិបត្តិ នៃសហព័ន្ធខ្មែរកម្ពុជាក្រោម
