សហព័ន្ធខ្មែរកម្ពុជាក្រោម បានប្រកាសព័ត៌មានបន្ទាន់មួយអំពី ការផ្អាកនូវសិន្និសីទអន្តរ ជាតិរបស់ខ្លួន ដែលគ្រោងនឹងប្រារព្ធនៅប្រទេសអូស្រ្តាលី នៅដើម ខែឧសភា ខាងមុខនេះ ។ ; ការផ្អាកនេះធ្វើឡើងដើម្បីបង្កាការឆ្លងរាល់ដាល នៃមេរោគកូរ៉ូណាវីរុស ឬ កូវិដ-១៩ ។
ខាងក្រោមជាខ្លឹមសារនៃសេចក្ដីប្រកាសព័ត៌មានបន្ទាន់ដែលបានចេញដោយ សហព័ន្ធ ខ្មែរកម្ពុជាក្រោម នៅថ្ងៃទី ១៥ ខែមេសា ឆ្នាំ ២០២០ អំពីការផ្អាកសន្និសីទអន្តរជាតិ ។
“ខណៈដែលពិភពលោក កំពុងតែប្រឈមនឹងមេរោគកូរ៉ូណាវីរុស ឬ កូវិដ-១៩ ; «សន្និសីទ អន្តរជាតិ ស្ដីពី ក្រោកឈរ ដើម្បីសិទ្ធិសម្រេចវាសនាខ្លួនដោយខ្លួនឯង និង ការអភិវឌ្ឍន៍ ប្រកបចីរភាព» ដែលមាន គំរោងរៀបចំនៅថ្ងៃទី ៣០ ខែឧសភា ឆ្នាំ ២០២០ នៅទីក្រុង Melbourne នៃប្រទេស អូស្ត្រាលី នឹងត្រូវផ្អាករហូតដល់ថ្ងៃកំណត់ជាថ្មី ។ ;នេះជាសេច ក្ដីសម្រេចដ៏លំបាកមួយ តែ សុខភាព និង សុវត្ថិភាពរបស់ភ្ញៀវចូលរួម ; វាគ្មិន និងអង្គការ ជាចម្បង ។
សូមអរគុណចំពោះការចាប់អារម្មណ៍របស់លោកអ្នក ចំពោះសន្និសីទរបស់យើង និងការ យល់ដឹងរបស់លោកអ្នកទាក់ទងនឹងបញ្ហានេះ ។ យើងនឹងបន្តឃ្លាំមើលនូវផលប៉ះពាល់ នៃជំងឺរាតត្បាត កូវិដ- ១៩ យ៉ាងយកចិត្តទុកដាក់ ហើយយើងនឹងធ្វើការសម្រេចចិត្តត្រឹម ត្រូវមួយក្នុងការកំណត់កាលបរិច្ឆេទថ្មី នៃសន្និសីទនេះនាពេលអនាគត ។ ក្នុងអំឡុងពេល ដ៏លំបាកនេះ សូមលោកអ្នក និងសមាជិក និង សមាជិកា នៃសហព័ន្ធខ្មែរកម្ពុជាក្រោម ; ធ្វើតាមការណែនាំរបស់អាជ្ញាធរដែលអ្នករស់នៅ ដើម្បីសុវត្ថិភាព និងសុខភាពរៀងៗខ្លួន” ។
