នៅថ្ងៃទី ១២ ខែកក្កដា ឆ្នាំ ២០១៣ ពលរដ្ឋខ្មែរនៅជុំវិញពិភពលោក នឹងចេញធ្វើបាតុកម្ម ដើម្បីទាមទារ ឲ្យរដ្ឋាភិបាលខ្មែរគោរពតាមកម្មវត្ថុមួយចំនួនដូចជា ឲ្យមានការបោះឆ្នោតដោយ សេរី និងយុត្តិធម៌ ឲ្យមានការផ្លាស់ប្ដូរគណៈកម្មាធិការរៀបចំការបោះឆ្នោត (គ.ជ.ប.) និងឲ្យមានវត្តមាន លោក សម រង្ស៊ី ប្រធានគណបក្សសង្គ្រោះជាតិ នៅក្នុងប្រទេសកម្ពុជា ក្នុងឱកាសដែលប្រទេសនេះ បោះឆ្នោតនីតិកាល ទី ៥ នៅថ្ងៃទី ២៨ ខែកក្កដា ខាងមុខនេះ ។ ការធ្វើបាតុកម្មនេះ នឹងមានការចូលរួមពីពលរដ្ឋខ្មែរក្រោម នៅជុំវិញពិភពលោក ផងដែរ តាមការអំពាវនាវរបស់សហព័ន្ធខ្មែរកម្ពុជាក្រោម ។
លោក ថាច់ រដ្ឋា នៃវិទ្យុសំឡេងកម្ពុជាក្រោម (VOKK) បានធ្វើកិច្ចសម្ភាសន៍ លោក ថាច់ ង៉ុក ថាច់ ប្រធានសហព័ន្ធខ្មែរកម្ពុជាក្រោម ជុំវិញការចូលរួមធ្វើបាតុកម្មរបស់ពលរដ្ឋខ្មែរក្រោម ដូចតទៅ៖ កិច្ចសម្ភាសន៍ លោក ថាច់ ង៉ុក ថាច់ ប្រធានសហព័ន្ធខ្មែរកម្ពុជាក្រោម ជុំវិញការចូលរួមធ្វើបាតុកម្មរបស់ពលរដ្ឋខ្មែរក្រោម
