សហព័ន្ធខ្មែរកម្ពុជាក្រោមសូមប្រគេននិងជូនដំណឹងដល់ជនរួមឈាម សមាជិក សមាជិកា សមាគមខ្មែរក្រោម សាខា សហព័ន្ធខ្មែរកម្ពុជាក្រោម តំណាងប្រទេស តំណាងទ្វីប ជ្រាបថាសហព័ន្ធខ្មែរកម្ពុជាក្រោមនិងចូលរួមវេទិកា ជនជាតិនៅបូរីញូវយ៉ក នៃសហរដ្ឋអាមេរិកដែលនឹងប្រព្រឹត្តទៅចាប់ពីថ្ងៃទី ២០ ដល់ ៣០ ខែមេសា ខាងមុខនេះ ។
សហពន្ធ័ខ្មែរកម្ពុជាក្រោមបានចូលរួមវេទិកាជនជាតិដើមចាប់តាំងពីឆ្នាំ ២០០៤ ឆ្នាំនេះជាឆ្នាំ លើកទី ១១ ហើយនេះ គឺជាសកម្មភាពមួយក្នុងចំណោមសកម្មភាពប្រចាំឆ្នាំដ៏ទៃទៀត ដែលនាំអោយបញ្ហាខ្មែរក្រោមបានជ្រួតជ្រាបលើវេទិកា អន្តរជាតិ និង ការធ្វើទស្សនកិច្ចជាលំដាប់លំដោយទៅកម្ពុជាក្រោម ។
ដើម្បីចូលរួមលើកទឹកចិត្ត និងជួយឧបត្ថម្ភដល់តំណាងសហព័ន្ធខ្មែរកម្ពុជាក្រោម ព្រះសង្ឃ យុវជននិងយុវតី នោះ យើងខ្ញុំសូមអំពាវនាវ ដល់សបុរសជន វត្តខ្មែរក្រោម សមាគមខ្មែរក្រោម សាខាសហព័ន្ធខ្មែរកម្ពុជាក្រោមសូមមេត្តា ជួយឧបត្ថម្ភគាំទ្រថវិកាផង ។
សូមមេត្តាទាក់ទងនិងផ្តល់ថវិកាឧបត្ថម្ភតាមសមាគម សាខាសហព័ន្ធ តាមប្រទេស រដ្ឋ ខេត្តនានា ឬ ទាក់ទងទៅ៖
១. លោក ចៅ សេរី (៤០៨) ៨៨៧ ៩៣៧៤
២. លោក ថាច់ សាម៉ន (២០៦) ២៤០ ៨៣៥៤
៣. អ្នកស្រី កៀង សុធី (៤០៧) ២៧៦ ០០៨៤
សូមលោក លោកស្រីមេត្តាទទួលនូវសេចក្តីគោរពរាប់អានដ៏ជ្រាលជ្រៅបំផុតអំពីយើងខ្ញុំបាទ ។
កាណាដា ទី ១៦ ខែមេសា ឆ្នាំ ២០១៥
ថាច់ ង៉ុក ថាច់
ប្រធានប្រត្តិបត្តិនៃសហព័ន្ធខ្មែរកម្ពុជាក្រោម
