ដោយ ស៊ឺន ចែងចើន | VOKK
ពលរដ្ឋខ្មែរក្រោមប្រមាណជាង ៨ លាននាក់នៅកម្ពុជាក្រោម ដែលបច្ចុប្បន្នកំពុងរស់នៅក្រោមការគ្រប់គ្រងដោយ រដ្ឋាភិបាលបក្ស កុម្មុយនិស្តវៀតណាម បានប្រារព្ធពិធីបុណ្យកាន់បិណ្ឌ និងភ្ជុំបិណ្ឌ ដែលពួកគាត់ហៅ ថាបុណ្យសែនដូនតា រយៈពេល ១៥ ថ្ងៃ ដូចពលរដ្ឋខ្មែរនៅក្នុងប្រទេសកម្ពុជាដែរ ។
នៅឆ្នាំនេះ ពិធីភ្ជុំបិណ្ឌចំថ្ងៃពុធ ឆ្នាំរការ នព្វស័ក ពុទ្ធសករាជ ២៥៦១ ត្រូវ នឹងថ្ងៃទី ២០ ខែកញ្ញាគ្រឹសសករាជ ២០១៧ ។
ចំណែកពិធីបុណ្យកាន់បិណ្ឌ ឬពិធីដាក់បាយបិណ្ឌ ប្រារព្ធរយៈពេល ១៣ ថ្ងៃ គឺចាប់ពីថ្ងៃ ១ រោច ដល់ថ្ងៃទី ១៣ រោចខែភទ្របទ ។
តើពិធីនេះ ពុទ្ធសាសនិក ប្រារព្វឡើងក្នុងគោលបំណងអ្វី ? ។ តើរបៀបនៃការធ្វើពិធីបុណ្យសែនដូនតា នៅកម្ពុជាក្រោម និងបុណ្យភ្ជុំបិណ្ឌ នៅស្រុកខ្មែរ មានលក្ខណៈខុសគ្នាចំណុចណាខ្លះ ? ។ តើពាក្យ «បុណ្យសែនដូនតា» មានន័យយ៉ាងណា សម្រាប់ពលរដ្ឋខ្មែរក្រោម និងហេតុអ្វីខ្មែរក្រោម ហៅពិធីបុណ្យនេះថា »បុណ្យសែនដូនតា» ខណៈដែលអ្នកនៅស្រុកខ្មែរហៅថា បុណ្យភ្ជុំបិណ្ឌ ទៅវិញ ? ។ និងទស្សនៈខ្លះ លើកឡើងថា ការបោះបាយបិណ្ឌ ជាការធ្វើទានដ៏ខ្ជះខ្ជាយ ? ។ ចម្ងល់ទាំងអស់នេះ ត្រូវបានបកស្រាយដោយ នៅក្នុងកិច្ចសម្ភាសន៍រវាងលោក ស៊ឺន ចែងចើន នៃទូរទស្សន៍ ព្រៃនគរ និងព្រះតេជព្រះគុណ សឺន សុផារិន្ទ ប្រធានសម្ព័ន្ធសមណនិស្សិត – និស្សិតខ្មែរកម្ពុជាក្រោម ដែលមានខ្លឹមសារទាំងស្រុង ដូចតទៅ៖
