ដោយ ស៊ឺន ចែងចើន | VOKK
នៅថ្ងៃអាទិត្យទី ២១ ខែមករា ២០១៨ ខាងមុខនេះ មិត្តសមាគមខ្មែរកម្ពុជាក្រោម ដែលមានមូលដ្ឋាននៅប្រទេសកម្ពុជា នឹងរៀបចំមហាសន្និបាតវិសាមញ្ញលើកទី ៣ របស់ខ្លួន ដើម្បី «ពង្រឹងការងារ និងបង្ហាញសកម្មភាពសមាគម» ។
តើអង្គសន្និបាតនេះ ធ្វើឡើងនៅទីណា? និងក្រោមប្រធានបទ ឬគោលបំណងអ្វី? ។ តើមិត្តសមាគមខ្មែរកម្ពុជាក្រោម បានធ្វើសកម្មភាពអ្វីខ្លះ? និងបានជួយសម្រួល ឬដោះស្រាយបញ្ហាអ្វីខ្លះ ជូនដល់ពលរដ្ឋខ្មែរក្រោម ដែលបានជួបប្រឈម នឹងបញ្ហានាពេលកន្លងមក? ។ តើការស្វែងរកដំណោះស្រាយទាំងនោះ បានឆ្លើយតបទៅ នឹងតម្រូវការរបស់ប្រជាពលរដ្ឋខ្មែរក្រោម ដែរ ឬទេ? ។ ក្នុងមហាសន្និបាតលើកទី ៣ នេះ នឹងមានកំណែទម្រង់លក្ខន្តិកៈអ្វីខ្លះ? និងថាតើគម្រោងផែនការណ៍ និងទិសដៅ នៅក្នុងឆ្នាំ ២០១៨ នេះ មិត្តសមាគមខ្មែរកម្ពុជាក្រោម បានដាក់ចេញនូវគោលការណ៍អ្វីខ្លះ ដើម្បីអនុវត្តឲ្យមានប្រសិទ្ធភាព នៅក្នុងឆ្នាំថ្មីនេះ? ។ ចម្ងល់ទាំងអស់នេះ និងបកស្រាយជូនប្រិយមិត្តអ្នកស្តាប់វិទ្យុសំឡេងកម្ពុជាក្រោម នៅក្នុងបទសម្ភាសន៍រវាងលោក ស៊ឺន ចែងចើន និងលោក ប៊ុន មុនី ហៅ ថាច់ ឡែន ប្រធានមិត្តសមាគមខ្មែរកម្ពុជាក្រោម ។ សូមលោកអ្នកស្តាប់កិច្ចសម្ភាសន៍នេះ ដែលមានខ្លឹមសារទាំងស្រុង ដូចតទៅ៖
