កាលពីថ្ងៃទី ២១ តុលា ២០១៦ កន្លងទៅថ្មីៗ នេះ តំណាងមន្ត្រីជាន់ខ្ពស់សហព័ន្ធខ្មែរកម្ពុជាក្រោមពិភពលោក បានចូលរួមអង្គសន្និសីទអាស៊ីភាគអាគ្នេយ៍ នៅសាកលវិទ្យាល័យមួយ នាទីក្រុងអាលិងតុន (Arlington) រដ្ឋវឺជីនៀ (Virginia) សហរដ្ឋអាមេរិក ។ អនុប្រធានសហព័ន្ធខ្មែរកម្ពុជាក្រោមពិភពលោក លោក ប្រាក់ សេរីវុឌ្ឍ ដែលបានចូលរួមជាវាគ្មិនមួយរូបក្នុងសន្និសីទអាស៊ីភាគអាគ្នេយ៍នោះ បានរៀបរាប់ពីស្ថានការណ៍ដ៏លំបាករបស់ពលរដ្ឋខ្មែរក្រោម ដែលរងការរំលោភបំពានគ្រប់បែបយ៉ាងពីអាជ្ញាធរវៀតណាម ទៅកាន់ស្ថាប័នអង្គការជាច្រើន ដែលបានចូលរួមក្នុងអង្គសន្និសីទ ។ ដើម្បីជ្រាបកាន់តែច្បាស់ លោក ស៊ឺន ថាយធន នៃវិទ្យុសំឡេងកម្ពុជាក្រោម បានធ្វើកិច្ចសម្ភាសន៍លោក ប្រាក់ សេរីវុឌ្ឍ ជុំវិញរឿងនេះ ដូចតទៅ៖
