រូបថត ព្រះតេជព្រះគុណ យ័ញ ឡុង ព្រះចៅអធិការវត្តចន្ទរង្សី នៅទីក្រុងព្រៃនគរ ពាក់ដូនបោដោយយួន ត្រូវបានបង្ហោះឡើងពាសពេញតាមបណ្ដាញ Facebook កាលពីខែធ្នូ ឆ្នាំ ២០១២ ធ្វើឲ្យពលរដ្ឋខ្មែររិះគន់យ៉ាងខ្លាំង ។ រូបថតព្រះតេជព្រគុណ យ័ញ ឡុង និមន្តជាមូយព្រះសង្ឃមហាយានយួននេះ ត្រូវបានក្រុមអ្នកប្រើ Facebook ផ្សាយបន្តពីគេហទំព័ររណសិរ្សតុភូមិវៀតណាម ខណៈដែលព្រះសង្ឃទាំងនេះធ្វើដំណើរទៅទស្សនកិច្ចនៅប្រជុំកោះ Spratly ឬ កោះ វ៉ាង សា និង ត្រឿងសា ដែលកំពុងមានជម្លោះនឹងចិន ។
