(បទកាកគតិ)
[twocol_one]ត្រាប់ល្អក្របាប
ចិត្តមារចាញ់ក្រាប់
ព្រោះសាបកុសល
ផលល្អគង់បាន
នាំប្រាណទៅដល់
សុខសួគ៌និមល
ផលគាប់ប្រាថ្នា ។
ជីវិតយើងខ្លី
គួរប្រឹងខំលៃ
យកជ័យជ្រះថ្លា
ឈ្នះចិត្តជាមារ
ពាំពារធម៌អាថ៌
ទាន់នៅសង្ខារ
ធម៌អាថ៌នៅមាន ។[/twocol_one] [twocol_one_last]
សំណាងកើតទាន់
ធម៌ព្រះអរហន្ត
កុំជាន់បំពាន
បើហ៊ានធ្វើបាប
បើត្រាប់ទន្ទ្រាន
ជីវិតនិងមាន
រុករានទុក្ខប្រាណ ។
ថ្ងៃសីលគួរល្អ
ស្តាប់នូវព្រះធម៌
កំដរសន្តាន
បានខាត់គំនិត
ឲ្យចិត្តថ្កើងថ្កាន
ជីវិតសុខសាន្ត
លំអានរៀងអឺយ ។[/twocol_one_last]
ដោយ លឹម រង្សី
—————————–
អត្ថបទកំណាព្យនេះ ឆ្លុះបញ្ចាំងអំពីទស្សនៈរបស់អ្នកនិពន្ធ មិនមែនជាទស្សនៈ និងគោលជំហររបស់ វិទ្យុសំឡេងកម្ពុជាក្រោម ឡើយ ។