នៅថ្ងៃទី ២៥ ខែធ្នូ ឆ្នាំ ២០១៣ នេះ ពីសហរដ្ឋអាមេរិក លោក ថាច់ ង៉ុក ថាច់ ប្រធានសហព័ន្ធខ្មែរកម្ពុជាក្រោម បានចេញ លិខិតជូនពរឆ្នាំថ្មីជាភាសាអង់គ្លេសមួយច្បាប់ ហើយបាន ចុះ ផ្សាយនៅលើគេហទំព័រ ផ្លូវការរបស់សហព័ន្ធខ្មែរកម្ពុជាក្រោម ដើម្បីជូនពរចូលឆ្នាំសកល ២០១៤ ដល់ពលរដ្ឋខ្មែរទូទាំង ពិភពលោក ។

ចុចស្ដាប់ សារជូនពរឆ្នាំថ្មី ឆ្នាំ ២០១៤ របស់ លោក ថាច់ ង៉ុក ថាច់ ប្រធានសហព័ន្ធខ្មែរកម្ពុជាក្រោម

សារលិខិតជូនពរឆ្នាំថ្មីនេះ មានខ្លឹមសារថា ៖

“ជាបឋម តាងនាមសហព័ន្ធខ្មែរកម្ពុជាក្រោម ខ្ញុំសូមជូនពរឲ្យលោកអ្នកបានប្រកបដោយភាពរីករាយ និង រីកចម្រើនក្នុងឆ្នាំ ២០១៤ ខាងមុខនេះ ។

២០១៣ ជាឆ្នាំផ្ដល់នូវជោគជ័យដល់សហព័ន្ធខ្មែរកម្ពុជាក្រោម ។ ខ្ញុំសូមថ្លែងអំណរគុណដល់សមាជិក អ្នកគាំទ្រសហព័ន្ធខ្មែរកម្ពុជាក្រោមនៅទូទាំងពិភពលោក ដែលបានខិតខំធ្វើការមិន ខ្លាច នឿយ ហត់ ដើម្បី សម្រេចគោលដៅឆ្នាំ ២០១៣ កន្លងទៅនេះ ។ ទោះបីមានឧបសគ្គយ៉ាងណាក៏ដោយ នៅក្នុង ឆ្នាំ ២០១៣ កន្លងទៅនេះ យើងខ្ញុំ នៅតែខិតខំអស់ពីកម្លាំងកាយចិត្ត ដើម្បីចូលរួមកិច្ចប្រជុំនៅក្នុងកិច្ចប្រជុំអន្តរជាតិ ផ្សេងៗ ដើម្បីលើកយកបញ្ហាការរំលោភសិទ្ធិមនុស្សលើពលរដ្ឋខ្មែរក្រោមពីរដ្ឋាភិបាលវៀតណាម នៅក្នុង កិច្ចប្រជុំមួយចំនួន ដូចជា វេទិកាអាស៊ាន (Asian Forum) វេទិកាអចិន្ត្រៃយ៍នៃអង្គការសហប្រជាជាតិ ស្ដីពីបញ្ហាជនជាតិដើម (UNPFII) ការយន្តការអ្នកជំនាញស្តីពីសិទ្ធិជនជាតិដើម (EMRIP) ការត្រួតពិនិត្យឡើងវិញជាសកល ស្ដីពីបញ្ហា សិទ្ធិមនុស្សនៅវៀតណាម (Pre-URP review) សភាអ៊ឺរ៉ុប (EU Parliament) និង បានចូលជម្រាបនៅសភាសហរដ្ឋអាមេរិកខាងសេរីភាពសាសនាអន្តរជាតិ (US Department of State on International Religious Freedom) ជាដើម ។ ជាពិសេស សមាជិក សមាជិកា និងអ្នកគាំទ្រសហព័ន្ធខ្មែរកម្ពុជាក្រោម បានធ្វើបាតុកម្មទូទាំងពិភពលោក ដើម្បីទាមទារឲ្យរដ្ឋា ភិបាលវៀតណាម ដោះលែងព្រះសង្ឃ និងពលរដ្ឋខ្មែរក្រោម ដែលត្រូវបានបក្សកុម្មុយនិស្តវៀតណាមចាប់ ដាក់ពន្ធនាគារនៅកម្ពុជាក្រោម ទាំងអយុត្តិធម៌ ។

សកម្មភាពរបស់សហព័ន្ធខ្មែរកម្ពុជាក្រោម មានការរីកចម្រើនគួរឲ្យកត់សម្គាល់ ដើម្បីទាមទារនូវសិទ្ធិជា មូលដ្ឋានដល់ពលរដ្ឋខ្មែរក្រោម នៅកម្ពុជាក្រោម ។ ទង់ជាតិខ្មែរក្រោម ត្រូវបានលើក ឡើង នៅទូទាំង ពិភពលោកតំណាងឲ្យសំឡេងរបស់ខ្មែរក្រោម ដើម្បីស្វែងរកសិទ្ធិសម្រេចវាសនាខ្លួនដោយខ្លួនឯង ។

យើងខ្ញុំ នឹងបានបន្តការងាររបស់ខ្លួន ដោយមិនមានអ្នកណាម្នាក់អាចរារាំងយើងខ្ញុំក្នុងការជួយដល់ពល រដ្ឋរបស់យើងខ្ញុំបានឡើយ ។ សមាជិកសហព័ន្ធខ្មែរកម្ពុជាក្រោម មកពីប្រទេសនានាទូទាំង ពិភពលោក ជួបគ្នានៅទីក្រុង Orlando រដ្ឋ Florida សហរដ្ឋអាមេរិក ដើម្បីចូលរួមកិច្ចប្រជុំដំណាច់ឆ្នាំ ចាប់ពី ថ្ងៃទី ១៣ ដល់ ១៥ ខែធ្នូ ឆ្នាំ ២០១៣ នេះ ។ កិច្ចប្រជុំបានបញ្ចប់ទៅ និងបាន សម្រេច ដាក់ ចេញនូវផែន ការថ្មីសម្រាប់ឆ្នាំ ២០១៤ ដែលមានដូចជា៖

1. កិច្ចការអន្តរជាតិ (INTERNATIONAL BEST PRACTICES)
   • ពង្រឹងពង្រីកទំនាក់ទំនងសមា្រប់ជួយសំឡេង សហព័ន្ធខ្មែរកម្ពុជាក្រោម ឲ្យយកាន់តែប្រ សើរឡើងដោយធ្វើការ និងចូលរួមជាដៃគួ ជាមួយអង្គការសិទ្ធិមនុស្ស អង្គការជនជាតិដើម និង ក្រុម ជនជាតិភាគតិចដទៃទៀតលើរាល់បញ្ហាណាសំខាន់ៗចំពោះខ្មែរក្រោម ។
   • ធ្វើសន្និបាតនៅក្នុងទីក្រុងបាងកក ប្រទេសថៃ ។
   • បង្កើនល្បឿនការប្តេជ្ញាចិត្តទាមទារវាសនាខ្លួនដោយខ្លួនឯង ដោយប្រើគោលដៅសំអាងលើអង្គ ការ UNPO, សេចក្ដីប្រកាស UNDHRS និង UNDRIPS ជាយន្តការយុទ្ធសាស្រ្ត ។
   • អនុវត្តយុទ្ឋសាស្ត្រ និងការងារភាពឆ្លាតវៃជាមួយនឹងការទីភ្នាក់ងារអន្តរជាតិនៃអង្គការសហប្រ ជាជាតិសហភាពអឺរ៉ុប និងអាស៊ាន ។
2.  កិច្ចការនៅកម្ពុជាក្រោម (KAMPUCHEA-KROM BEST PRACTICES)
   • កសាង និង ថែរក្សាទំព័រ Facebook របស់សហព័ន្ធដោយគណៈកម្មាធិការយុវជនសម្រាប់គោល បំណងផ្សាយព័ត៌មាននិងជួយអប់រំ ។
   • អនុវត្តការធ្វើផែនការដើម្បីបណ្ដុះសកម្មជនសហព័ន្ធឲ្យជំនួសថ្នាក់ដឹកនាំដែលមានវ័យចាស់ និងបន្ថែមការទទួលខុសត្រូវបន្ថែមទៀតទៅឱ្យសមាជិកដោយផ្តោត បច្ចុប្បន្ននៅលើយុវជន ខ្មែរក្រោម។
   • ការគ្រប់គ្រងហិរញ្ញវត្ថុការអនុវត្តធម្មតា និងទទួលខុសត្រូវក្នុងការអនុលោមតាមច្បាប់គណនេយ្យ
   • ធ្វើឱ្យទាន់សម័យសៀវភៅគម្រោង ។
   • ចងក្រងសៀវភៅ “នរណាជានរណានៅកម្ពុជាក្រោម”
3.  កិច្ចការនៅកម្ពុជានិង តាមតំបន់ (Cambodia and REGIONAL BEST PRACTICES)
   • ទស្សនកិច្ចនៅប្រទេសទាំងបី៖ កម្ពុជាក្រោម – កម្ពុជា – ថៃ ដោយគណៈប្រតិភូ សហព័ន្ធ ដំណើរ ទស្សនកិច្ចនេះនឹងត្រូវធ្វើបុណ្យផ្កា ឬ ពិធីបណ្យនៅអាមេរិក ផ្កានៅរាជធានីភ្នំពេញ និង
   • រៀបចំកិច្ចប្រជុំជាមួយសហគមន៍ និងអ្នកដឹកនាំនៅមូលដ្ឋានខ្មែរក្រោម នៅក្នុងប្រទេសកម្ពុជា ។
   ឆ្នាំថ្មីនេះ សូមនាំមកនូវ សេរីភាព យុត្តិធម៌ និងលទ្ធិប្រជាធិបតេយ្យ ដល់ពលរដ្ឋខ្មែរក្រោមនៅកម្ពុជាក្រោម កុំបីខានឡើយ” ៕

ចុចនេះ មើលអត្ថបទភាសាអង់គ្លេស Happy New Year Message from KKF President