នៅថ្ងៃទី ១ ខែសីហា ខាងមុខនេះ សហព័ន្ធខ្មែរកម្ពុជាក្រោម នៅអឺរ៉ុប នឹងធ្វើបាតុកម្មនៅមុខស្ថានទូតវៀតណាម នៅ ទីក្រុងប៉ារិស ដើម្បីទាមទារឲ្យវៀតណាមទទួលស្គាលការពិតប្រវត្តិសាស្ត្រដែនដីកម្ពុជាក្រោម និងឲ្យមន្ត្រីអ្នកនាំ ពាក្យស្ថានទូត វៀតណាម ប្រចាំប្រទេសកម្ពុជា សុំទោសពលរដ្ឋខ្មែរជាសាធារណៈចំពោះសម្ដីរបស់ខ្លួនដែលបានថ្លែង ថា ទឹកដីកម្ពុជាក្រោមជារបស់វៀតណាមជាយូរយារណាស់មកហើយ ។
លោក ថាច់ វៀន អធិបតីសហព័ន្ធខ្មែរកម្ពុជាក្រោម បានថ្លែងប្រាប់វិទ្យុសំឡេងកម្ពុជាក្រោមថា ការធ្វើបាតុកម្មនេះ ក្រុមលោកនឹងយកញត្តិទៅជូនស្ថានទូតវៀតណាមនៅទីក្រុងប៉ារិសដោយផ្ទាល់ និងស្ថានទូតប្រទេសមហាអំណាច មួយចំនួននឹងផ្ញើ តាម ប្រៃសណីយ៍ ។
នាង សឺន ស៊ីវុត្ថា នៃវិទ្យុសំឡេងកម្ពុជាក្រោម ប្រចាំប្រទេសហូឡង់ បានសម្ភាសន៍ លោក ថាច់ វៀន អធិបតី សហព័ន្ធខ្មែរកម្ពុជាក្រោមអំពីបញ្ហានេះ ដូចតទៅ៖
