Washington: ប្រតិភូសហព័ន្ធខ្មែរកម្ពុជាក្រោម នៅថ្ងៃពុធ ទី ៣០ ខែមករា នេះ បាន ចូលជួបមន្ត្រីក្រសួងការបរទេសហរដ្ឋ អាមេរិក ដើម្បីស្វែងរកកិច្ចអន្តរាគមន៍ អំពីបញ្ហាសិទ្ធិមនុស្សនៅកម្ពុជាក្រោម ។
បន្ទាប់ចេញពីជួបមន្ត្រីក្រសួងការបរទេសហរដ្ឋអាមេរិក នៅថ្ងៃពុធនេះ អ្នកនាង កៀង សូធី ប្រធានគណៈកម្មាធិការ យុវជននៃ សហព័ន្ធខ្មែរកម្ពុជាក្រោម (KKFYC) បានថ្លែងថា សហព័ន្ធខ្មែរកម្ពុជាក្រោម បានរាយការណ៍ទៅមន្ត្រី សហរដ្ឋអាមេរិក អំពី ស្ថានភាព នៃការរំលោភសិទ្ធិមនុស្សថ្មីៗ លើពលរដ្ឋខ្មែរក្រោមពីសំណាក់រដ្ឋាភិបាលវៀតណាម ដូចជា ការចាប់ព្រះសង្ឃ នៅវត្តសេតាសេក និងអ្នកភូមិព្រៃជាប់ នៃខេត្តឃ្លាំង ដាក់ពន្ធនាគារ បញ្ហាសេរីភាពសាសនា បញ្ហាដីធ្លី និង ការអប់រំ ជាដើម ។
អ្នកនាង កៀង សូធី បានបញ្ជាក់ថា សហព័ន្ធខ្មែរកម្ពុជាក្រោម នឹងព្យាយាមជម្រុញឲ្យមន្ត្រីសហរដ្ឋអាមេរិក បានចុះទៅកម្ពុជាក្រោម ដើម្បីជួបជនរងគ្រោះខ្មែរក្រោមផ្ទាល់ ដើម្បីបានជ្រាបកាន់តែច្បាស់អំពីស្ថានភាពពិតរបស់ខ្មែរក្រោម ។
លោក ថាច់ រដ្ឋា ធ្វើបទសម្ភាសន៍ខ្លីមួយជាមួយអ្នកនាង កៀង សូធី អំពីបញ្ហានេះ ដែលមានខ្លឹមសារដូចតទៅ៖
ចុចស្ដាប់ សម្ភាសន៍ អ្នកនាង កៀង សូធី
