ខណៈដែលបណ្ដាញសង្គម Facebook កាន់តែពេញនិយមនៅក្នុងស្រទាប់ពលរដ្ឋខ្មែរទាំងនៅក្នុង និងក្រៅប្រទេសនោះ ពលរដ្ឋខ្មែរក្រោម នៅកម្ពុជាក្រោម និងនៅក្រៅប្រទេស ក៏ទទួលបានឥទ្ធិពលនៃបណ្ដាញសង្គមមួយនេះ ហើយនាំគ្នាប្រើប្រាស់វា ដូចពលរដ្ឋខ្មែរនៅកម្ពុជា ផងដែរ ។ តែអ្វីដែលចម្លែកនោះ គេសង្កេតឃើញទំព័រ Facebook របស់ខ្មែរក្រោមទាំងព្រះសង្ឃ និង គ្រហស្ថភាគច្រើន នាំគ្នានិយាយគ្នាជាភាសាយួន ដែលធ្វើឲ្យពលរដ្ឋខ្មែរនៅប្រទេសកម្ពុជា មានការងឿងឆ្ងល់ ហើយចោទ សួរថា “តើនេះជាបញ្ហាមួយ ដែលរដ្ឋាភិបាលវៀតណាមហាមខ្មែរក្រោមសរសេរភាសាជាតិខ្មែរ ឬ ក៏ខ្មែរក្រោមខ្លួន ឯងមិន ព្រមព្យាយាមសរសេរអក្សរជាតិខ្លួនដោយខ្លួនឯង” ។
នៅទីក្រុង Philadelphia ថ្ងៃទី ១៧ ខែឧសភា ឆ្នាំ ២០១៤
ហេតុអ្វីទើបពលរដ្ឋខ្មែរក្រោមខ្លះសម្រេចសរសរអក្សរយួននៅលើបណ្ដាញសង្គម Facebook ? លោក សឺន ថាយ ធន បានសម្ភាសន៍ ព្រះតេជព្រះគុណ នាថសីលោ ត្រឹង វាំង យុង អំពីបញ្ហានេះ ដូចតទៅ៖
