ដោយ RFA: ហព័ន្ធខ្មែរកម្ពុជាក្រោមពិភពលោក កំពុងសម្ដែងក្ដីសង្ឃឹមដ៏មុតមាំរបស់ខ្លួនថា បណ្ដាប្រទេសចំនួនជាង ៥០ នៅលើពិភពលោក នឹងបោះឆ្នោតទទួលស្គាល់បេក្ខភាពរបស់សហព័ន្ធខ្មែរក្រោមជាសមាជិកនៃ ក្រុមប្រឹក្សាសេដ្ឋកិច្ច និងសង្គមកិច្ចរបស់អង្គការសហប្រជាជាតិនាពេលដ៏ឆាប់ខាងមុខ។
មេដឹកនាំសហព័ន្ធខ្មែរក្រោមឲ្យដឹងថា ឋានៈជាសមាជិកនៃក្រុមប្រឹក្សាសេដ្ឋកិច្ច និងសង្គមកិច្ចរបស់អង្គការសហប្រជាជាតិ អាចនឹងផ្ដល់អត្ថប្រយោជន៍ធំធេងដល់ពលរដ្ឋខ្មែរក្រោមជាង ៨លាននាក់ ដែលកំពុងរស់ក្នុងនាមជាជនជាតិដើមលើទឹកដីខ្មែរកម្ពុជាក្រោម របស់ខ្លួន ដែលបច្ចុប្បន្នស្ថិតក្នុងប្រទេសវៀតណាម ខាងត្បូង។ អត្ថប្រយោជន៍ទាំងនោះ រួមមានការទទួលបានសិទ្ធិក្នុងជំនឿសាសនា ការអប់រំ និងសេរីភាពក្នុងដើរហើរផ្សេងៗ ។ សូមស្ដាប់បទសម្ភាសន៍របស់លោក តាំង សារ៉ាដា ជាមួយប្រធានសហព័ន្ធខ្មែរកម្ពុជាក្រោមពិភពលោក លោក ថាច់ ង៉ុកថាច់ ដែលមានសេចក្ដីដូចតទៅ៖
