លទ្ធផលនៃកិច្ចប្រជំដំណាច់ឆ្នាំរបស់សហព័ន្ធខ្មែរកម្ពុជាក្រោម

ដោយ ថាច់ ប្រីជា គឿន l សារព័ត៌មាន ព្រៃនគរ

សហព័ន្ធខ្មែរកម្ពុជាក្រោមទើបតែបានបញ្ចប់កិច្ចប្រជុំប្រចាំឆ្នាំ នៅថ្ងៃទីអាទិត្យ ១៤ ខែធ្នូ នេះ បន្ទាប់ពីថ្នាក់ ដឹកនាំ និងសមាជិក សមាជិការបស់ខ្លួនបានធ្វើរបាយការណ៍ឆ្នាំចាស់ និងពិភាក្សាអំពីផែនការណ៍ឆ្នាំថ្មី អស់រយៈពេល ៣ ថ្ងៃកន្លងមក ។ កិច្ចប្រជុំនេះ ប្រព្រឹត្តទៅនៅវត្តកម្ពុជាក្រោម នាទីក្រុង សានហូស្សេ រដ្ឋកាលីហ្វញ៉ា សហរដ្ឋអាមេរិក ។

ថតរូបអនុស្សាវរីយ៍ បន្ទាប់ពីបញ្ចប់កិច្ចប្រជុំដំណាច់ឆ្នាំ នៃសហព័ន្ធខ្មែរកម្ពុជាក្រោម នៅ វត្តកម្ពុជាក្រោម ទីក្រុង Long Beach រដ្ឋ California សហរដ្ឋអាមេរិក ថ្ងៃទី ១៤ ខែធ្នុ ឆ្នាំ ២០១៤ ។

ក្រោយពីកិច្ចប្រជុំ លោក សឺង ហួរ អគ្គលេខាធិការនៃសហព័ន្ធខ្មែរកម្ពុជាក្រោម បានឡើងប្រកាសសេចក្ដី សម្រេចនៃកិច្ចប្រជុំឆ្នាំ ២០១៤ ដើម្បីអនុវត្តនៅក្នុងឆ្នាំ ២០១៥ ថា សម្រាប់ឆ្នាំខាងមុខសហព័ន្ធខ្មែរកម្ពុជា ក្រោមនឹងផ្ដោតលើផែនការធំៗចំនួន ៣ ដូចរៀងរាល់ឆ្នាំដែរ គឺ កិច្ចការអន្តរជាតិ, កិច្ចការនៅកម្ពុជាក្រោម និងកិច្ចការនៅកម្ពុជា និងនៅតាមតំបន់ ។

(សំឡេង)

សម្រាប់កិច្ចការអន្តរជាតិ លោក សឺង ហួរ បានហូរបានបញ្ជាក់ថា សហព័ន្ធខ្មែរកម្ពុជាក្រោម នឹងអនុវត្ត នូវកិច្ច ការមួយចំនួន ដូចជា ពង្រឹងពង្រីកទំនាក់ទំនងសម្រាប់ជួយសំឡេងសហព័ន្ធខ្មែរ កម្ពុជាក្រោម ឲ្យកាន់ តែប្រសើរឡើង ដោយធ្វើការ និងចូលរួមជាដៃគូជាមួយអង្គការសិទ្ធិមនុស្ស អង្គការជនជាតិដើម និង ក្រុមជនជាតិភាគតិចដទៃទៀត លើរាល់បញ្ហាសំខាន់ៗចំពោះខ្មែរក្រោម ។ បង្កើនល្បឿន ការប្តេជ្ញាចិត្ត ទាមទារសិទ្ធិសម្រេចវាសនាខ្លួនដោយខ្លួនឯង ដោយប្រើគោលដៅសំអាងលើអង្គការ UNPO, សេចក្ដីប្រ កាស ជាសកលនៃអង្គការសហប្រជាជាតិស្ដីពីសិទ្ធិមនុស្ស (UNDHRS) និងសេចក្ដីប្រកាស ជាកល នៃអង្គការសហប្រជាជាតិស្ដីពីសិទ្ធិជនជាតិដើម (UNDRIPS) ជាយន្តការយុទ្ធសាស្ត្រ ។ អនុវត្តយុទ្ឋ សាស្ត្រ និងការងារភាពឆ្លាតវៃដើម្បីបង្កើនតំណាងសកលជាមួយនឹងទីភ្នាក់ងារអន្តរជាតិនៃអង្គការ សហ ប្រជាជាតិ សហភាពអឺរ៉ុប និងអាស៊ាន ។ ការងារជួបប្រជុំជាមួយតំណាងសភាជាតិ នៅក្នុងប្រទេសរបស់ខ្លួន ។

(សំឡេង)

សម្រាប់កិច្ចការនៅកម្ពុជាក្រោម លោក សឺង ហួរ បន្តបញ្ជាក់ទៀតថា សហព័ន្ធខ្មែរកម្ពុជាក្រោម នឹងអនុវត្ត នូវកិច្ចការមួយចំនួនដូចជា ថែរក្សាទំព័រ Facebook របស់សហព័ន្ធដោយគណៈកម្មាធិការយុវជនក្នុង គោលបំណងផ្សាយព័ត៌មាន, ជួយអប់រំ និង ការកម្សាន្ត ។ អនុវត្តនូវផែនការដើម្បីទទួលមេដឹកនាំកំពូលនៃសកម្មភាពសហព័ន្ធ និងបន្ថែមការទទួលខុសត្រូវបន្ថែមទៀត ទៅលើការងារបច្ចុប្បន្ន នៃយុវជនខ្មែរ ក្រោម ។ គ្រប់គ្រងហិរញ្ញវត្ថុការអនុវត្តធម្មតា និងទទួលខុសត្រូវក្នុងការអនុលោមតាមច្បាប់គណនេយ្យ ។ គម្រោងសរសេរសៀវភៅឱ្យទាន់សម័យ ។ គម្រោងសរសេរសៀវភៅស និងបង្កើតសមាគមព្រះសង្ឃខ្មែរ ក្រោមនៅសហរដ្ឋអាមេរិក និង កិច្ចប្រជុំប្រចាំឆ្នាំរួមគ្នាជាមួយនឹងសហព័ន្ធខ្មែរកម្ពុជាក្រោម ។

(សំឡេង)

សម្រាប់កិច្ចការនៅកម្ពុជា និងតាមតំបន់ លោក សឺង ហួរ បានបញ្ជាក់ថា សហព័ន្ធខ្មែរកម្ពុជាក្រោមនឹង អនុវត្តនូវកិច្ចការមួយចំនួនដូចជា ធ្វើបុណ្យផ្កា ឬ ពិធីបុណ្យនៅអាមេរិក នៅរាជធានីភ្នំពេញ និង រួមគ្នាជាមួយនឹងសហព័ន្ធខ្មែរកម្ពុជាក្រោមក្នុងពេលប្រជុំ ។ រៀបចំកិច្ចប្រជុំជាមួយសមាគម និងអ្នកដឹកនាំនៅ មូលដ្ឋានដែលមានខ្មែរក្រោមរស់នៅនៅក្នុងប្រទេសកម្ពុជា និង នៅកម្ពុជាក្រោម ។

សហព័ន្ធខ្មែរកម្ពុជាក្រោម ជាអង្គការសិទ្ធិមនុស្សអន្តរជាតិមួយរបស់ខ្មែរក្រោមដែលមានមូលដ្ឋាននៅ សហរដ្ឋអាមេរិក និងមានសាខានៅជុំវិញពិភពលោក ធ្វើការតស៊ូមតិផ្នែកសិទ្ធិមនុស្សជម្រុញឲ្យរដ្ឋាភិ បាលវៀតណាមគោរពសិទ្ធិខ្មែរក្រោមនៅកម្ពុជាក្រោម ។ សហព័ន្ធខ្មែរកម្ពុជាក្រោមបានបង្កើតឡើងក្នុងប្រ ទេសកាណាដានៅឆ្នាំ ១៩៩៦ ហើយបានក្លាយជាសមាជិករបស់អង្គការ យូ.អិន.ភី.អូ (UNPO) នៅក្នុងឆ្នាំ ២០០១ និងបានចូលជាសមាជិក នៃវេទិកាអចិន្ត្រៃយ៍របស់អង្គការសហប្រជាជាតិស្ដីពីបញ្ហាជនជាតិ កាលពីឆ្នាំ ២០០៤ ។

រាល់សេចក្ដីថ្លែងការណ៍នានារបស់ថ្នាក់ដឹកនាំសហព័ន្ធខ្មែរកម្ពុជាក្រោម សូមលោកអ្នករងចាំទស្សនា នៅ លើទូរទស្សន៍ ព្រៃនគរ (PTV) ។