រំជើបរំជួលនៅវៀតណាមល្បី ព្រាប សុវត្តិ លួចចម្លងបទចម្រៀងយួន

ដោយ សឺង វិចិត្រ l VOKK

នៅពេលកន្លងទៅនេះ បទចម្រៀងរបស់វៀតណាមត្រូវបានអ្នកចម្រៀងកម្ពុជាលួចចម្លងហើយប្រកាសដោយគ្មានសុំច្បាប់ឡើយ ។

បទចម្រៀងសម័យរបស់វៀតណាមក្នុងពេលថ្មីៗនេះត្រូវបានអ្នកចម្រៀងពីប្រទេសកម្ពុជាលួចចម្លង ដោយសាធារណៈ និងមិនខ្មាសអៀនឡើយ ។ ពួកគេបានលួចពីតន្ត្រី ចង្វាក់ រហូតដល់វីដេអូឃ្លីបទៀតផង ។ ពោលគឺតារាចម្រៀងខ្មែរបានយកបទចម្រៀងវៀតណាមទាំងស្រុង រួចប្រែពីភាសាវៀតណាមទៅជាភាសាខ្មែរប៉ុណ្ណោះ ។ អនិកជនយួនដែលកំពុងរស់នៅប្រទេសកម្ពុជា បានរកឃើញករណីលួចចម្លងដែលបានចុះផ្សាយតាម បណ្ដាញសង្គម You Tube និង វេទិកាអិនធើណិតជាច្រើន ។

នៅតាមវេទិកាអិនធើណិតមួយចំនួន យុវជនខ្មែរក៏បានប្រមូលបទចម្រៀងជាច្រើនរបស់កម្ពុជាដែលជាផលិតផលចម្លងពីវៀតណាម ដើម្បីបង្ហាញជាសាធារណៈ ផងដែរ ។ គេអាចរកឃើញមិនតិចទេ បទចម្រៀងបែបនេះលើគេហទំព័រ Khmerization ហើយទំព័រនេះ ក៏បានបង្ហាញច្បាស់ថា បទទាំងនេះ បានចម្លងតាមបទរបស់តារាចម្រៀងវៀតណាមមួយចំនួន ដូចជា មី តឹម យ្វី ម៉ាញ់ ក្រុម ៣៦៥ ធ្វីតៀន ហូង៉ុកហា កាវថាយសឺន ផានឌិញទុង ជាដើម (Mỹ Tâm, Duy Mạnh, nhóm 365, Thủy Tiên, Hồ Ngọc Hà, Cao Thái Sơn, Phan Đình Tùng…) ។

មិនត្រឹមតែប៉ុណ្ណោះទេ អ្នកប្រើប្រាស់អ៊ីនធឺណិតក៏បង្ហាញឲ្យឃើញថា អ្នកដែលនាំមុខគេទាំងអស់ក្នុងការលួចចម្លងនេះ គឺ ព្រាប សុវត្ថិ អ្នកដែលបានគេទទួលស្គាល់ថាជា «ស្ដេចតន្ត្រី Pop» របស់កម្ពុជា ។ ព្រាប សុវត្ថិ បានលួចចម្លងបទចម្រៀងជាច្រើនដែលកំពុងល្បីនៅវៀតណាម ដូចជាតារាចម្រៀង ខាញ់ ភឿង (Khánh Phương) ។ បទទាំងនោះ មានដូចជា Hình bóng của mây ដែលប្រែជាភាសាខ្មែរថា “ស្រមោលពពក” និង បទ Tôn thờ một tình yêu ដែលមានន័យជាភាសាខ្មែរថា “គោរពក្ដីស្នេហ៍” ។

បទចម្រៀង Cầu vòng khuyết របស់វៀតណាម ដែលមានន័យជាភាសាខ្មែរថា “ឥន្ទធនូមិនពេញ” ធ្លាប់តែល្បីឈ្មោះរបស់តារាវៀតណាម ត្វឹន ហ៊ឹង ក៏ត្រូវបាន ព្រាប សុវត្ថិ ធ្វើឲ្យរស់ឡើងដោយភាសាខ្មែរ ប៉ុន្តែគ្មានមួយកាក់សម្រាប់ទទួលបានឯកសិទ្ធិទេ ។ មិនត្រឹមតែប៉ុណ្ណោះ តារារូបនេះ ក៏ព្យាយាមក្នុងការប្រែភាសាបទចម្រៀងចិនដែរ ។

បានប្ដឹងតវ៉ា ប៉ុន្តែមិនបានទទួលការសំណងឡើយ ៖

ចំនួនបទចម្រៀងវៀតណាមត្រូវបានអ្នកចម្រៀងកម្ពុជាចម្លងមិនតិចទេ វាអាចដល់រាប់រយបទ ។ ឯអ្នកចម្រៀងវៀតណាមដែលមានបទចម្រៀងត្រូវចម្លង ឬ លួចទាំងស្រុងក៏ពុំដឹងខ្លួនផង ។ ជាពិសេស នៅមានអ្នកចម្រៀងវៀតណាមសប្បាយចិត្តចំពោះបទចម្រៀងរបស់ខ្លួនបានប្រែចេញជាភាសាដទៃ ។
ក្រោយពេលបានដឹងថា បទចម្រៀងរបស់ខ្លួនត្រូវចម្លង ឬ លួចទាំងស្រុង អ្នកចម្រៀងវៀតណាមភាគច្រើនសម្ងំហើយក៏មិនមានគំនិតចង់ប្ដឹងតវ៉ាអ្វីឡើយ ព្រោះគេបានគិតឃើញថា កម្ពុជាមិនមែនជាទីផ្សារធំ ហើយប្រទេសនេះ ក៏ពុំមានច្បាប់ទម្លាប់ទេ ប្រសិនបើប្ដឹងតវ៉ាក៏មិនប្រាកដថា មានផលប្រយោជន៍អ្វីដែរ ។ ម្យ៉ាងទៀតតាមអនុសញ្ញា បឺន (Berne) ដែលមានសុពលភាពពីឆ្នាំ ២០០៤ លាវ និង កម្ពុជា ជាប្រទេសពីរកំពុងអភិវឌ្ឍ ដូច្នោះ ហើយមិនត្រូវការគោរពសិទ្ធិអ្នកនិពន្ធទេ ។

ដូចនេះ អ្នកចម្រៀងវៀតណាមមិនអាចប្ដឹងករណីដែលបទចម្រៀងរបស់ខ្លួនត្រូវបានលួចចម្លងនៅប្រទេសទាំងពីរនោះទេ ។ មុនឆ្នាំ ២០០៤ វៀតណាមក៏មិនត្រូវការគោរពសិទ្ធិអ្នកនិពន្ធ ពួកគេក៏លួចចម្លងបទចម្រៀងពីចិន បារាំង អង់គ្លេស រុស្ស៊ី ថៃ ។ល។ ដោយសេរី ។
ក៏មានករណីផ្សេងមួយចំនួនដូចជាករណី អ្នកចម្រៀងវៀតណាមឈ្មោះ យ្វី ម៉ាញ់ (Duy Mạnh) និងចម្រៀង បទ Kiếp đỏ đen ដែលមានន័យជាភាសាខ្មែរថា “ជីវិតបៀប៉ោ” ដែលបានផលិតកាលពីឆ្នាំ ២០០៦ មិនយូរប៉ុន្មាន នៅទីផ្សារកម្ពុជាក៏មានបទចម្រៀងនេះដែរ ។ ក្រោយមក យ្វី ម៉ាញ់ ត្រូវបានគេសង្ស័យថា បានលួចចម្លងបទចម្រៀងពីកម្ពុជា ។

តារាចម្រៀង យ្វី ម៉ាញ់ ខឹងនឹងការសង្ស័យពីអ្នកគាំទ្រ ក៏បានប្រកាសថា នឹងជួនរង្វាន់ ២០ លាន ក្រោយនោះបានបង្កើនឡើងជា ១ កោដិដុង សម្រាប់ជូនដល់អ្នកដែលអាចរកឃើញភស្តុតាងថា លោកជាអ្នកលួចចម្លង ។ ក្រោយមកមិនយូរ គេក៏បានសម្រេចចិត្តថា ភាគីកម្ពុជាជាភាគីលួចចម្លងរបស់គេ ។
មួយទៀត បទចម្រៀង Vầng trăng khóc ដែលមានន័យជាភាសាខ្មែរថា “ព្រះចន្ទយំ” របស់ ង្វៀន វ៉ឹន ជុង (Nguyễn Văn Chung ) ដែលល្បីនៅទីផ្សារវៀតណាម ក៏ត្រូវបានប្រែទៅភាសាជាច្រើនដូចជា ខ្មែរ លាវ ចិន ជាដើម ហើយខ្មែរបានចម្លងមកធ្វើបទ “ឈឺចាប់ស្របគ្នា” ។
អ្នកនិពន្ធបទចម្រៀងនេះ បានដាក់ពាក្យបណ្ដឹងដើម្បីឲ្យទទួលស្គាល់ឯកសិទ្ធិ និងហាមមិនឲ្យមានការចម្លងដោយមិនមានអនុញ្ញាតពីគាត់ ។ ក្រោយពីការខិតខំ អ្នកនិពន្ធរូបនេះក៏ត្រូវបាន សហព័ន្ធអ្នកនិពន្ធទំនុក និង ភ្លេងអន្តរជាតិ (CISAC) ទទួលស្គាល់ថា បទចម្រៀងដើមជាស្នាដៃរបស់អ្នកនិពន្ធវៀតណាម ដែលរាល់បទចម្រៀងដទៃសុទ្ធតែជាបទចម្លងបន្លំ ។

ខាញ់ ភឿង (Khánh Phương) អ្នកដែលត្រូវគេលួចបទសម្រៀងច្រើនជាងគេ ក្នុងបញ្ជីរាយនាមអ្នកនិពន្ធដែលបទចម្រៀងរបស់ខ្លួនត្រូវតារាចម្រៀងខ្មែរលួចចម្លងនោះ ខាញ់ ភឿង ជាអ្នកឈនៅលេខរៀងទីមួយ ។ បទចម្រៀងរបស់លោកជិត ២០ បទ ត្រូវអ្នកចម្រៀងខ្មែរលួចចម្លង ហើយអ្នកចម្រៀងដែលជាកំពូលមេលួចចម្លង មិនមាននរណាក្រៅពី ព្រាប សុវត្ថិ ឡើយ ។

បទចម្រៀង “នៅក្បែរអូនសង្សារអូន នៅក្បែរគេសង្សារគេ” , “សងនាទីផ្អែមល្ហែមបងវិញ” , “កុំចោលម្នាក់នេះបានទេ” “I am sorry” , “ Call មកបងពេលគេបោះបង់អូន” ជាដើម សុទ្ធតែជាបទចម្រៀងដែលព្រាប សុវត្ថិ ចម្លងពីវៀតណាម ។ បញ្ជីរាយនាមបទចម្រៀងដែល ព្រាប សុវត្ថិ លួចចម្លងពីវៀតណាមអាចមានជិតរាប់រយបទ ៕ ខាងក្រោមនេះ ជាបទចម្រៀងខ្មែរ និងយួន ដែលតារាល្បីៗ នៅខ្មែរលួចចម្លងបទចម្រៀងពីយួន៖