ព្រះសង្ឃខ្មែរក្រោម នៅខេត្តព្រះត្រពាំង បានផ្ដល់អាហារូបករណ៍ដល់សិស្សនិស្សិតខ្មែរក្រោមដែលកំពុងសិក្សា នៅតាម សកល វិទ្យល័យនានា នៅដែនដីកម្ពុជាក្រោម ហើយកំពុងជួបកង្វះខាតក្នុងជីវភាព ។ ពិធីនេះ ធ្វើឡើង នៅព្រឹក ថ្ងៃទី ០៩ ខែកុម្ភៈ នៅវត្តផ្នោរកំបុត ស្រុកកំពង់ធំ ឬ ស្រុកចូវថាញ់ ខេត្តព្រះត្រពាំង តាមរយៈព្រះតេជព្រះគុណ ថាច់ យ៉ួង ដែល បានទទួលប្រាក់ឧបត្ថម្ភនេះពីសប្បុរសជនខ្មែរក្រោមនៅប្រទេសក្រៅ ។
ព្រះតេជព្រះគុណ ថាច់ យ៉ួង តំណាងម្ចាស់ឧបត្ថម្ភដែលបានផ្ដល់អាហារូបករណ៍ដល់សិស្សនិស្សិត បានថ្លែងថា ព្រះអង្គ បានជូនអាហារូបករណ៍ដល់សិស្សនិស្សិតខ្មែរក្រោម ចំនួន ១៨ ចំណែក ក្នុង ១ ចំណែកបានទទួលប្រាក់ចំនួន ៣០០ ដូល្លារ ៕
