ពិធីបុណ្យភ្ជុំបិណ្ឌ របស់ជនជាតិខ្មែរ ឬអ្នកគោរពប្រតិបត្តិ ចំពោះព្រះពុទ្ធ សាសនា ជាពិសេសប្រជាពលរដ្ឋខ្មែរ និងខ្មែរក្រោម នៅជុំវិញ ពិភពលោក បានប្រារព្ធពិធីបុណ្យកាន់បិណ្ឌ និង ភ្ជុំបិណ្ឌ រយៈពេលជាងពីរសប្តាហ៍ បានកន្លងផុតទៅថ្មីៗនេះ ដោយឡែក នៅពុទ្ធិកសមាគមខ្មែរក្រោម វត្តខេមរ រង្សី ទីក្រុងសាន់ហូ នៃរដ្ឋកាលីហ្វ័រញ៉ា ខាងជើង សហរដ្ឋអាមេរិក ព្រះសង្ឃ គណៈកម្មការ និងអាចារ្យវត្ត បាន រៀបចំពិធីបុណ្យភ្ជុំបិណ្ឌ ចំនួន៣ថ្ងៃ គឺថ្ងៃសុក្រ សៅរ៍ និងអាទិត្យ ទី ៨, ទី៩, និងទី១០ ខែតុលានេះ ដើម្បីរក្សានូវប្រពៃណី ទំនៀមទម្លាប់ ព្រះពុទ្ធសាសនា និងដើម្បីឧទ្ទិសមហា កុសលជូនចំពោះបុព្វការីជនទាំងឡាយ មានមាតាបិតា និងញាតិការទាំង៧សន្តានជាដើម។
នៅក្នុងកម្មវិធីបុណ្យនោះ គណៈកម្មការវត្ត ក៏បានអញ្ជើញកញ្ញា ភឿន ស្រីពៅ ពីប្រទេសកម្ពុជា និង លោក ត្រែន វ៉ក់កើ ជនជាតិអាមេរិកាំង ពីសកលវិទ្យាល័យ ស្តែនផត នៃរដ្ឋកាលីហ្វ័រញ៉ា ជំនាញផ្នែកខាងស្មូត ចូលរួមពិធីបុណ្យភ្ជុំបិណ្ឌនោះផងដែរ។ កម្មវិធី បុណ្យបានប្រព្រឹត្តទៅតាមបែបទំនៀមទម្លាប់ខ្មែររយ់ពេលថ្ងៃ ដោយមានពុទ្ធបរិស័ទ និង សប្បុរសជនជិតឆ្ងាយ អ្នកជំនឿកម្មផល ចូលរួមយ៉ាងច្រើនកុះករ ដែលហួសពីការស្មាន។
ជាបន្ទាប់តទៅនេះ សូមប្រិយមិត្តតាមដានស្តាប់នូវពិធីស្មូតរបស់កញ្ញា ភឿន ស្រីពៅ និងលោក ត្រែន វ៉កកើ ស្តីអំពីទំនួញប្រែត ក្នុងឧកាសបុណ្យភ្ជុំបិណ្ឌ នៅវត្តខេមររង្សី ទីក្រុងសាន់ហូស្សេ កាលពីថ្ងៃសៅរ៍ ទី ៩ តុលា នេះ ដូចតទៅ ៖
.
