ពលរដ្ឋ​ខ្មែរ​ក្រោម​ជាង​៤០០​នាក់​មក​ពី​តាម​បណ្តា​ប្រទេស​ជា​ច្រើន​នៅ​ ថ្ងៃ​សុក្រ ទី​៨ ខែ​មេសា ឆ្នាំ​២០០៩​នេះ កំពុង​រួម​គ្នា​ធ្វើ​មហា​បាតុកម្ម​អហិង្សា​នៅ​មុខ​ការិយាល័យ​ក្រុមប្រឹក្សា​ សិទ្ធិ​មនុស្ស​នៃ​អង្គការ​សហប្រជាជាតិ​នៅ​ទីក្រុង​ហ្សឺណែវ ប្រទេស​ស្វ៊ីស។
សហព័ន្ធ​ខ្មែរ​កម្ពុជា​ក្រោម​ដឹកនាំ​បាតុកម្ម​នេះ​តាំងពី​ម្សិលមិញ​មក ដំណាល​ពេល​ដែល​ក្រុមប្រឹក្សា​សិទ្ធិ​មនុស្ស​អង្គការ​សហប្រជាជាតិ​បើក​មហា​ សន្និបាទ​ពិសេស​ជា​លើក​ដំបូង​មួយ​ដោយ​កោះ​អញ្ជើញ​រដ្ឋាភិបាល​នៃ​របប​ សាធារណរដ្ឋ​សង្គម​និយម​វៀតណាម​ឲ្យ​ទៅ​បង្ហាញ​អំពី​បញ្ហា​ការរំលោភ​សិទ្ធិ​ មនុស្ស​នៅ​ក្នុង​ប្រទេស​វៀតណាម។
ប្រធាន​សហព័ន្ធ​ខ្មែរ​កម្ពុជា​ក្រោម លោក ថាច់ ង៉ុកថាច់ មាន​ប្រសាសន៍​ថា ថ្ងៃ​នេះ​គឺ​ជា​ថ្ងៃ​ប្រវត្តិសាស្រ្ត​ដ៏​សំខាន់​មួយ​សម្រាប់​ពលរដ្ឋ​ខ្មែរ​ ក្រោម ពិសេស​បាតុកម្ម​របស់​ពលរដ្ឋ​ខ្មែរ​ក្រោម​ទាំង​នោះ​គឺ​ធ្វើ​ឡើង​ក្នុង​គោលដៅ​ ជំរុញ​ឲ្យ​សហគមន៍​អន្តរជាតិ​ផ្តោត​ការយក​ចិត្ត​ទុក​ដាក់​ជួយ​ធ្វើ​ អន្តរាគមន៍​បញ្ឈប់​កុំ​ឲ្យ​អាជ្ញាធរ​នៃ​រដ្ឋាភិបាល​វៀតណាម​បន្ត​រំលោភ​ សិទ្ធិ​មនុស្ស​ពលរដ្ឋ​ខ្មែរ​ក្រោម​ដែល​មាន​ចំនួន​ជាង​៨​លាន​នាក់​កំពុង​ រស់នៅ​ឯ​ដែន​ដី​កម្ពុជា​ក្រោម​នា​ពេល​បច្ចុប្បន្ន៕
អត្ថបទវិទ្យុអាស៊ីសេរី.