អស់លោក អ្នកនាង និងមិត្តអ្នកស្តាប់ ជាទីមេត្រី ថ្ងៃនេះ ជាទិវាប្រវត្តិសាស្រ្ត សម្រាប់ជនរួមខ្មែរ នៅទូទាំងពិភព លោក ២៣តុលា ឆ្នាំ១៩៩១ស្តីអំពី កម្ពុជា ហើយក៏ជាទិវាខួប ឆ្នាំទី១៩ នៃកិច្ចព្រមព្រៀងសន្តិភាព អន្តរជាតិ នៅទីក្រុងបារីស ប្រទេសបារាំង។ ១៩ឆ្នាំ បានកន្លងទៅប្រទេសកម្ពុជា សព្វថ្ងៃ នៅមិនទាន់បានទទួលនូវ ភាពឯករាជ្យពិតប្រាកដ ឡើយ។ សូមចុចស្តាប់សេចក្តីរាយការណ៍របស់អ្នកស្រី កៀង ប្រមូល វិទ្យុសម្លេងកម្ពុជាក្រោម ពីសហរដ្ឋអាមេរិក
ដោយហេតុថា ជនអន្តោប្រវេសន៍យួន កំពុងហូរចូលស្រុកខ្មែរឥតឈប់ឈរ និងអ្នក កាន់អំណាចសព្វថ្ងៃ ក្រោមខ្សែញាក់ របស់ចៅហ្វាយ ពីក្រុងហាណូយ រួមទាំងប្រទេសជិត ខាងមិនដែលគោរពសន្ធិសញ្ញាអន្តរជាតិនោះម្តងណាឡើយ។ ទើបបងប្អូនជនរួមជាតិទាំង អស់ នៅបរទេស កើតទុក្ខមិនសុខចិត្ត ក្រោកប្រឆាំងតវ៉ាទាមទារ ឱ្យរដ្ឋាភិបាលលោក ហ៊ុន សែន គោរពនិងអនុវត្តតាមច្បាប់សន្ធិសញ្ញាអន្តរជាតិ ២៣ តុលា និងថ្កោលទោសចំពោះ រាជរដ្ឋាភិបាលខ្មែរបច្ចុប្បន្នថា ជារដ្ឋាភិបាលក្រោមរណបរបទេស។ ដូច្នេះហើយទើបបងប្អូន អ្នកស្នេហាជាតិទាំងអស់ រួមគ្នាធ្វើមហាបាតុកម្ម អហឹង្សា ជាឱឡារឹក នៅថ្ងៃទី២២ តុលា ម្សិលមិញនេះ នៅបូរីញូវយ៉ក និងទីក្រុងសាន់ហ្វ្រាន់ស៊ីស្កូ នៅមុខទីស្នាក់ការអង្គការសហ ប្រជាជាតិ និងនៅថ្ងៃសៅរ៍ ទី២៣ តុលានេះ នៅទីក្រុងអូតាវ៉ា ប្រទេសកាណាដា បងប្អូនអ្នកស្នេហាជាតិ ក៏បានជួបជុំគ្នា ធ្វើមហាបាតុកកម្ម នៅមុខអាគាររដ្ឋសភាប្រទេស កាណាដា និងនៅថ្ងៃអាទិត្យ ទី២៤ តុលា ស្អែកនេះ បងប្អូនអ្នកស្នេហាជាតិ នៅទីក្រុង បា រីស នៃប្រទេសបារាំង ក៏បានជួបជុំគ្នា ធ្វើមហាបាតុកកម្ម ដើម្បីរំលឹកឡើងវិញនូវកិច្ចព្រម ព្រៀងសន្ធិសញ្ញាអន្តរជាតិ ២៣ តុលា នោះផងដែរ។ ដោយឡែកនៅទីក្រុងសាន់ហ្វ្រាន់ស៊ី ស្កូ នៃរដ្ឋកាលីហ្វ័រញ៉ា សហរដ្ឋអាមេរិក បងប្អូនខ្មែរអ្នកស្នេហាជាតិ នៅទីក្រុងសាន់ហូស្សេ ប្រែសនូ. ស្តុកតុន, អូកឡែក និងសាន់ឌីអឺហ្គូ រួមទាំងរដ្ឋវ៉ាស៊ីនតោន ប្រមាណជាង៥០នាក់ ក៏បានជួបជុំគ្នាធ្វើមហាបាតុកកម្ម នៅមុខអគ្ការអង្គការសហប្រជាជាតិ កាលពីថ្ងៃសុក្រ ទី ២២ តុលា ម្សិលមិញនេះ ដើម្បីសម្តែងឆន្ទះគាំទ្រចំពោះកិច្ចព្រមព្រៀងសន្តិភាព ស្តីអំពី កម្ពុជា ថ្ងៃទី២៣ តុលា ឆ្នាំ១៩៩១ នៅទីក្រុងបារីស។
សូមជំរាបជូនថា កម្មវិធី ធ្វើមហាបាតុកម្ម របស់ប្រជាពលរដ្ឋអាមេរិកាំង ដើមកំណើតខ្មែរ នៅទីក្រុងសាន់ហ្វ្រាន់ស៊ីស្កូ គឺចាប់ផ្តើមពីម៉ោង១០ព្រឹក និងបញ្ចប់ នៅម៉ោង១២ និង៣០ នាទីថ្ងៃត្រង់ នាថ្ងៃទី២២ តុលា ម្សិញមិញនេះ ក្រោមធាតុអាកាសត្រជាក់ និងភ្លៀងរលឹម ស្រិចៗ!.
