ពិធីបុណ្យកឋិនទានសាមគ្កី វត្តខេមររង្សី ក្រុងសាន់ហូស្សេ នៃរដ្ឋកាលីហ្វ័រញ៉ា

មិត្តអ្នកស្តាប់ជាទីមេត្រី នៅថ្ងៃសុក្រ និងថ្ងៃសៅរ៍ ទី ២៩ និង៣០ តុលា ខាងមុខនេះ គណៈកម្មការអាចារ្យ វត្តខេមររង្សី ទីក្រុងសាន់ហូស្សេ នៃរដ្ឋកាលីហ្វ័រញ៉ា ភាគខាងជើង នៃរដ្ឋកាលីហ្វ័រញ៉ា សហរដ្ឋអាមេរិក បាន រៀបចំធ្វើបុណ្យកថិនទាន សាមគ្កី ដើម្បី ដង្ហែយកទៅវេរប្រគេន ព្រះភិក្ខុសង្ឃ ដែលគង់ចាំវស្សា អស់ត្រ័យមាស (៣ខែ) នៅវត្ត ចុចស្តាប់ជាសំឡេង

ខេមររង្សី នាទីក្រុងសាន់ហូស្ស។ កម្មវិធីបុណ្យ និងទីកន្លែង៖
-ថ្ងៃសុក្រ ទី ២៩ ខែតុលា ឆ្នាំ២០១០ Friday October 29, 2010)
-ពីម៉ោង 5:00PM¬7:០០PM ជួបជុំញាតិមិត្ត, ពុទ្ធបរិស័ទជិតឆ្ងាយ ប្រារព្ធពិធីនមស្ស ការព្រះរតនត្រ័យ, សមាទាននិច្ចសីល និងនិមន្តព្រះសង្ឃចំរើនព្រះបរិត្ត។
-ថ្ងៃសៅរ៍ ទី ៣០ ខែតុលា ឆ្នាំ២០១០ Saturday October 30, 201០
-ពីម៉ោង 8:30AM¬2:0០PM ជួបជុំញាតិមិត្ត ប្រារព្ធពិធីពុទ្ធសាសនកិច្ច, រាប់បាត្រ, ដង្ហែអង្គកឋិនទានប្រទក្សិណ៣ជុំ នៅសាលារៀនមុខវត្តខេមររង្សី។ -ពីម៉ោង 4:00PM-9:3០PM រាំកំសាន្តជាមួយនឹងក្រុម សេកមាសតន្រី្ត (Sek Meas Band) កម្មវិធីប្រារព្ធ ឡើងនូវអាសយដ្ឋាន 1594 Cunningham Ave. San Jose, CA 95122 និងសាលា រៀនបឋមសិក្សាមុខវត្តខេមររង្សី។ ជាពិសេសនៅក្នុងកម្មវិធីបុណ្យកថិនទានសាមគ្គីនោះ គណៈកម្មការ និងអាចារ្យវត្ត ក៏បាននិមន្ត ព្រះសង្ឃខ្មែរ នៅទីក្រុងមូដែសតូ. អុកឡែន, សាន់ហូស្សេ, ប្រទេសកម្ពុជា និងព្រះសង្ឃ ជនជាតិស្រីលង្កានិងព្រះសង្ឃឡាវ ចូលរួមអា នុមោទនាបុណ្យកថិនទាននៅថ្ងៃនោះផងដែរ។.