ជនភៀសខ្លួនខ្មែរក្រោម នៅទីក្រុងបាងកក ប្រទេសថៃ សម្ដែងក្ដីបារម្ភខ្លាចអាជ្ញាធរថៃចាប់បញ្ជូនខ្លួនទៅឲ្យរដ្ឋាភិបាលខ្មែរ និងរដ្ឋាភិ បាលវៀតណាមធ្វើទុក្ខបុកម្នេញ ខណៈដែលរដ្ឋាភិបាលរបបយោធាថៃកំពុងតែចាប់ពលករខ្មែរជាង ២ ម៉ឺននាក់ហើយ បញ្ជូន ត្រឡង់ទៅប្រទេសកម្ពុជា វិញ ។
លោក ថាច់ ងីម ជនភៀសខ្លួនខ្មែរក្រោមម្នាក់ ដែលកំពុងតែសុំសិទ្ធិជ្រកកោនផ្នែកនយោបាយ ពីអគ្គស្នងការអង្គការសហប្រ ជាជាតិទទួលបន្ទុកជនភៀសខ្លួន (UNHCR) ប្រចាំប្រទេសថៃ បានបញ្ជាក់ប្រាប់ លោក សឺន ថាយ ធន នៃវិទ្យុសំឡេង កម្ពុជាក្រោម ថា លោក មានការព្រួយបារម្ភពីសុវត្ថិភាពផ្ទាល់ខ្លួន ព្រោះខ្លាចអាជ្ញាធរថៃ ចាប់បញ្ជូនត្រឡប់ទៅស្រុកវិញ ខណៈ ដែលលោកកំពុងតែរត់គេចចេញពីការធ្វើទុក្ខបុកម្នេញពីសំណាក់រដ្ឋាភិបាលវៀតណាមនៅដែនដីកម្ពុជាក្រោម ។
សព្វថ្ងៃ មានជនភៀសខ្លួនខ្មែរក្រោមជាច្រើនកំពុងតែសុំសិទ្ធិជ្រកកោន ផ្នែកនយោបាយ ពីអគ្គស្នងការអង្គការសហប្រ ជាជាតិ ទទួលបន្ទុកជនភៀសខ្លួន (UNHCR) ប្រចាំប្រទេសថៃ ។ ពួកគេទាំងនោះ លើកឡើងថា មូលហេតុដែលនាំឲ្យពួកគេភៀស ខ្លួនចេញពីដែនដីកម្ពុជាក្រោម ព្រោះអាជ្ញាធរវៀតណាមធ្វើទុក្ខបុកម្នេញលើពួកគេ ទាក់ទងនឹងរឿងទាមទារសេរីភាព និងរឿង នយោបាយ ជាដើម ។
លោក សឺន ថាយ ធន ធ្វើកិច្ចសាកសួរលោក លោក ថាច់ ងីម ជនភៀសខ្លួនខ្មែរក្រោមអំពីបញ្ហានេះដូចតទៅ៖
