លោក វិន បា (Huynh Ba) នឹងត្រូវបានតុលាការប្រជាជនខេត្តឃ្លាំង នៃបក្សកុម្មុយ និស្តវៀតណាម កាត់ទោសនៅថ្ងៃទី ១៩ ខែមីនា ខាងមុខនេះ ក្រោយពីគាត់ បានជាប់ពន្ធ នាគារអស់ រយៈពេលជិតមួយឆ្នាំកន្លងមក ដោយលោកបានធ្វើការទាមទារ ឲ្យអាជ្ញាធរ វៀតណាមសងដីកេររបស់ខ្លួនមកវិញ ។
ប្រភពព័ត៌មានពីមន្ត្រីសហព័ន្ធខ្មែរកម្ពុជាក្រោម (KKF) បានប្រាប់សារព័ត៌មានព្រៃនគរ កាលពីថ្ងៃ ១២ ខែមីនា ថា លោក វិន បា នឹងត្រូវបានតុលាការប្រជាជនខេត្តឃ្លាំង (Soc Trang) កាត់ ទោសនៅថ្ងៃទី ១៩ ខែមីនា ខាងមុខនេះ តែនៅមិនទាន់ដឹងថា ចៅក្រម នឹងប្រ កាសសាលក្រម ឲ្យជាប់គុកប៉ុន្មានឆ្នាំនៅឡើយទេ ក្រោយពីលោកបានជាប់ពន្ធនា គារអស់រយៈពេល ជាងមួយឆ្នាំកន្លងមក ។
លោក ត្រឹង យ៉ាប នាយករដ្ឋបាល នៃសហព័ន្ធខ្មែរកម្ពុជាក្រោម ( KKF) បានមានប្រ សាសន៍យ៉ាងនេះថា៖«តាមដំណឹងពីគ្រួសារលោក វិន បា បានឲ្យដឹងតាមទូរស័ព្ទមកថា លោក វិន បា នឹងត្រូវកាត់ទោសថ្ងៃដប់ប្រាំបួនខែបីនេះ តែយើងមិនដឹងថា យួនគេកាត់ [ទោស]ឲ្យជាប់គុកប៉ុន្មានឆ្នាំទេ ។ យើងកំពុងតាមដាន» ។
លោក ត្រឹង យ៉ាប បានបន្តទៀតថា សហព័ន្ធខ្មែរកម្ពុជាក្រោម (KKF) របស់លោក នឹងធ្វើបាតុកម្មនៅជុំវិញពិភពលោក បើសិនជាលោក វិន បា នៅតែត្រូវបានតុលាការប្រជា ជន ខេត្តឃ្លាំង នៃបក្សកុម្មុយនិស្តវៀតណាម កាត់ទោសឲ្យជាប់ពន្ធនាគារនោះ ។
លោក ត្រឹង យ៉ាប បានមានប្រសាសន៍ថា៖ « យើងកំពុងតែរងចាំមើលដែរ ថាតើរដ្ឋា ភិបាលយួនហ្នឹងកាត់ទោសលោក វិន បា ហ្នឹងយ៉ាងណា ។ បើសិនជា គេ [រដ្ឋាភិបាលវៀត ណាម នៅតែបន្តដាក់គុក យើងនឹងធ្វើបាតុកម្មជុំវិញពិភពលោក ដើម្បីឲ្យយួនដោះលែង លោក វិន បា វិញ » ។
លោក វិន បា កើតឆ្នាំ ១៩៦២ ជាកសិករខ្មែរក្រោមម្នាក់ នៅខេត្តឃ្លាំង ដែនកម្ពុជា ក្រោម ត្រូវបានចាប់ខ្លួនកាលពីខែឧសភា ឆ្នាំ ២០០៩ ដោយលោកបានទាមទារឲ្យអាជ្ញាធរ វៀតណាម សងដីកេររបស់ខ្លួនមកវិញ។ បច្ចុប្បន្ន លោក វិន បា កំពុងតែជាប់ឃុំឃាំងនៅ ក្នុងពន្ធនាគារវៀតណាមរងចាំតុលាការវៀតណាម ប្រកាសសាលក្រមនៅពេលខាងមុខ ជិតមកដល់នេះ ។
ក្រៅពីលោក វិន បា នៅខេត្តឃ្លាំង សព្វថ្ងៃមានកសិករខ្មែរក្រោម នៅខេត្ត មាត់ជ្រូក ជាច្រើនរយគ្រសារដែលត្រូវបានអាជ្ញាធរវៀតណាម បានរឹបយកដីធ្លីកេរដូនតារបស់ខ្លូន ចែកទៅឲ្យជនជាតិយួនកាលពីឆ្នាំ ១៩៧៨ មកដល់បច្ចុប្បន្ន នៅមិនទាន់សងដល់គ្រួសារ ខ្មែរក្រោមទាំងនោះឡើយ។ ពេលគ្រួសារកសិករខ្មែរក្រោមទាំងនោះ ធ្វើការទាមទារត្រូវ បានអាជ្ញធរវៀតណាម វាយធ្វើបាបនិងចាប់ដាក់គុកយ៉ាងអយុត្តិធម៌៕
ប្រភពពីសារព័ត៌មាន ព្រៃនគរ
