សម្ព័ន្ធ​សមណ​និស្សិត​-​និស្សិត​ខ្មែរ​កម្ពុជា​ក្រោម ផ្តល់​អាហារូបករណ៍ប្រចាំឆ្នាំ ២០១៦ ដល់​សមាជិក សមាជិកា និង​និស្សិត​ក្រីក្រ​ខិតខំ​ប្រឹងប្រែង​សិក្សា​រៀនសូត្រ​

August 22, 2016 10:04 AMComments Off on សម្ព័ន្ធ​សមណ​និស្សិត​-​និស្សិត​ខ្មែរ​កម្ពុជា​ក្រោម ផ្តល់​អាហារូបករណ៍ប្រចាំឆ្នាំ ២០១៦ ដល់​សមាជិក សមាជិកា និង​និស្សិត​ក្រីក្រ​ខិតខំ​ប្រឹងប្រែង​សិក្សា​រៀនសូត្រ​Views: 212

ដោយ ស៊ឺន ចែងចើន|VOKK

សម្ព័ន្ធ​សមណ​និស្សិត​-​និស្សិត​ខ្មែរ​កម្ពុជា​ក្រោម ដែលមាន​មូលដ្ឋាន​នៅ​រាជធានី​ភ្នំពេញ នៅ​ព្រឹក​ថ្ងៃអាទិត្យ​ទី ២១ សីហា ២០១៦ បានរៀបចំ​ពិធី​ផ្តល់​អាហារូបករណ៍​ដល់​សម​ណ​និស្សិត និង​និស្សិត​ក្រីក្រ​ចំនួន ៣២ អង្គ និង​នាក់ ក្រោម​អធិបតីភាព​ព្រះ​ញាណវង្ស ឃឹម សន ព្រះ​មេគណ​រាជធានី​ភ្នំពេញ និង​ជា​ព្រះ​គ្រូសូត្រស្តាំ វត្ត​បទុម​វ​តី​រាជ​វ​រា​រាម ។​

ព្រះ​ញាណវង្ស ឃឹម សន ព្រះ​មេគណ​រាជធានី​ភ្នំពេញ ប្រគល់​អាហារូបករណ៍​ដល់​ព្រះសង្ឃ​ខ្មែរ​ក្រោម នៅ​ថ្ងៃ​ទី ​២១ ខែ​សីហា ឆ្នាំ ​២០១៦ ។ រូបថតៈ ស៊ឺន ចែងចើន

ព្រះ​ញាណវង្ស ឃឹម សន ព្រះ​មេគណ​រាជធានី​ភ្នំពេញ ប្រគល់​អាហារូបករណ៍​ដល់​ព្រះសង្ឃ​ខ្មែរ​ក្រោម នៅ​ថ្ងៃ​ទី ​២១ ខែ​សីហា ឆ្នាំ ​២០១៦ ។ រូបថតៈ ស៊ឺន ចែងចើន

ពិធី​ចែក​អាហារូបករណ៍​នេះ មានការ​និមន្ត និង​អញ្ជើញ​ចូលរួម​ពី​គណៈកម្មការ សមាជិក​-​សមាជិកា សិស្ស​-​និស្សិត​នៃ​សម្ព័ន្ធ​សមណ​និស្សិត​-​និស្សិត​ខ្មែរ​កម្ពុជា​ក្រោម ព្រមទាំង​កុមារា កុមារី និង​សប្បុរសជន មួយចំនួន​ប្រមាណ​ជាង ១៥០ អង្គ​/​នាក់ បានមក​ជួបជុំគ្នា នៅ​ទីស្នាក់ការ​កណ្ដាល​សម្ព័ន្ធ​សមណ​និស្សិត​-​និស្សិត​ខ្មែរ​កម្ពុជា​ក្រោម ឋិត​ក្នុង​កុដិ​លេខ ១៧ វត្ត​បទុម​វ​តី សង្កាត់​ចតុមុខ ខណ្ឌដូនពេញ រាជធានី​ភ្នំពេញ ដើម្បី​ប្រារព្ធ​ពិធី​ប្រគល់​អាហារូបករណ៍​ដល់​សមា​ជិ​ក សមាជិកា ប្រចាំឆ្នាំ ២០១៦ ។​

​ថ្លែងប្រាប់​វិទ្យុ​សំឡេង​កម្ពុជា​ក្រោម ប្រធាន​សម្ព័ន្ធ​សមណ​និស្សិត​-​និស្សិត​ខ្មែរ​កម្ពុជា​ក្រោម ព្រះតេជព្រះគុណ សឺ​ន សុ​ផា​រិន្ទ មាន​ថេរ​ដីកា​ថា មូលហេតុ​នៃ​ការផ្តល់​អាហារូបករណ៍​នេះ ដោយ​មើលឃើញ​ពី​កង្វះខាត​ថវិកា​ក្នុង​ការសិក្សា​រៀនសូត្រ​របស់​សមាជិក​-​សមាជិកា សិស្ស​-​និស្សិត នៃ​សម្ព័ន្ធ​សមណ​និស្សិត​-​និស្សិត​ខ្មែរ​កម្ពុជា​ក្រោម ដែល​កំពុង​រៀន​នៅតាម​បណ្តា​មហាវិទ្យាល័យ ក្នុង និង​ក្រៅប្រទេស ហើយក៏​ស្របទៅតាម​ទស្សនវិស័យ​អភិវឌ្ឍន៍​ធនធានមនុស្ស និង​គោលបំណង​រួម ចំណែក​ក្នុង​ការកសាង​សង្គមជាតិ​របស់​សម្ព័ន្ធ​សមណ​និស្សិត​-​និស្សិត​ខ្មែរ​កម្ពុជា​ក្រោម ដែល​តាម​ពាក្យ ស្លោក​របស់ខ្លួន​ថា «​ធនធានមនុស្ស ជា​មូលដ្ឋានគ្រឹះ​នៃ​កា​រកស​សាង​សង្គម​» ។

​ព្រះតេជព្រះគុណ សឺ​ន សុ​ផា​រិន្ទ មាន​ថេរ​ដីកា​បន្តទៀតថា ចាប់តាំងពី​ឆ្នាំ ២០១០ រហូតមកទល់ នឹង​បច្ចុប្បន្ន នេះ​ជា​លើក​ទី ៧ ហើយ ដែល​សម្ព័ន្ធ​សមណ​និស្សិត​-​និស្សិត​ខ្មែរ​កម្ពុជា​ក្រោម បានផ្តល់​អាហារូបករណ៍ ៥០ ភាគរយ​សម្រាប់​ថ្នាក់​បរិញ្ញាបត្រ និង​ថ្នាក់​បរិញ្ញាបត្រ​ជាន់ខ្ពស់ ។ នៅក្នុង​ឆ្នាំ ២០១៦ នេះ សម្ព័ន្ធ​ប្រគល់​អាហារូបករណ៍​ដល់​សមណ​និស្សិត​-​និស្សិត​ខ្មែរក្រោម ចំនួន ៣២ អង្គ ដោយ ១ អង្គៗ និង​ម្នាក់ៗ ទទួលបាន​ថវិកា​ចំនួន ២៥០$ ក្នុងនោះ ថ្នាក់​បរិញ្ញាបត្រ​ជាន់ខ្ពស់​ក្នុង ១ អង្គៗ និង​ម្នាក់ៗ ទទួលបាន​ថវិកា ៤០០$ ។ ព្រះតេជព្រះគុណ សឺ​ន សុ​ផា​រិន្ទ បញ្ជាក់​បន្ថែមថា សម្រាប់​ឆ្នាំ ២០១៦ បានផ្តល់​អាហារូបករណ៍​ច្រើនជាង​ឆ្នាំមុនៗ ។​

​ចំណែក​ប្រភព​ថវិកា ដែល​បាន​ជំនួយ​មក​សម្ព័ន្ធ​សមណ​និស្សិត​-​និស្សិត​ខ្មែរ​កម្ពុជា​ក្រោម ព្រះតេជព្រះគុណ សឺ​ន សុ​ផា​រិន្ទ បានបញ្ជាក់​យ៉ាងនេះ​ថា ៖

​ព្រះសង្ឃ​ខ្មែរក្រោម ដែល​ទទួលបាន​អាហារូបករណ៍​ជាប់ៗ គ្នា​រយៈពេល ៣ ឆ្នាំ ព្រះនាម មាស វិចិត្រ កំពុង​សិក្សា​ឆ្នាំ​បញ្ជ​ប់ នៅ​សាកលវិទ្យាល័យ​បៀ​ល​ប្រាយ ផ្នែក​និតិ​សាស្ត្រ មាន​ថេរ​ដីកា​ថា ការផ្តល់​អាហារូបករណ៍​នេះ នឹង​ជួយ​សម្រាល​បន្ទុក​ដល់​ព្រះអង្គ​បាន​ច្រើន ។ ព្រះតេជព្រះគុណ មាន​ថេរ​ដីកា​បន្តថា បើ​ព្រះអង្គ​គ្មាន​អាហារូបករណ៍ ដែល​ផ្តល់​ដោយ​សម្ព័ន្ធ​សមណ​និស្សិត​-​និស្សិត​ខ្មែរ​កម្ពុជា​ក្រោម នោះទេ ព្រះអង្គ នឹង​មិនអាច​បញ្ចប់​ការសិក្សា នៅ​ថ្នាក់​បរិញ្ញាបត្រ​បានឡើយ​៖

មិន​ខុសពី​ព្រះតេជព្រះគុណ មាស វិចិត្រ កញ្ញា សាង សុភាព កំពុង​សិក្សា​ឆ្នាំ​ទី ៣ ផ្នែក​និតិ​សាស្ត្រ​ច្បាប់ នៅ​សាកលវិទ្យាល័យ​ភូមិន្ទ​និតិ​សាស្ត្រ និង​វិទ្យាសាស្ត្រ​សេដ្ឋកិច្ច បាន​សម្តែង​នូវ​អារម្មណ៍​សប្បាយរីករាយ​យ៉ាងខ្លាំង ដែល​នាង​ទទួលបាន​អាហារូបករណ៍ ២ ឆ្នាំ​មកនេះ ។ កញ្ញា​បាន​បញ្ជាក់ថា ការឧបត្ថម្ភ​នេះ បាន​ជួយ​ដោះស្រាយ និង​សម្រាល​បន្ទុក​មួយចំណែក​ធំ​ដល់​ការសិក្សា​របស់​សមណ​និស្សិត និង​និស្សិត​ខ្មែរក្រោម រួមទាំង​រូបនាង​ផ្ទាល់​ផង ដែល​កំពុង​ជួបប្រទះ​ខ្វះខាត ក្នុងការ​សិក្សា​នៅ​ថ្នាក់​មហាវិទ្យាល័យ ។​

​តាម​របាយការណ៍​បង្ហា​ញ​ថា ចាប់តាំងពី​ឆ្នាំ ២០០៧ រហូតមកដល់​ឆ្នាំ ២០១៦ សម្ព័ន្ធ​សមណ​និស្សិត​-​និស្សិត​ខ្មែរ​កម្ពុជា​ក្រោម បាន​បញ្ជូន​សមណ​និស្សិត​-​និស្សិត​ខ្មែរក្រោម​ទៅ​បន្ត​ការសិក្សា​នៅក្រៅ​ប្រទេស រួមមានប្រទេស​ថៃ និង​ប្រទេស​ឥណ្ឌា សរុប​មាន​ចំនួន ១០១ អង្គ ។ ចំណែក​ការផ្តល់​អាហារូបករណ៍ ៥០ ភាគរយ ដល់​សមណ​និស្សិត​-​និស្សិត​ក្រីក្រ គិត​ចាប់​តាំង​ឆ្នាំ ២០១០ រហូតមកដល់​បច្ចុប្បន្ន​សរុប​មាន​ចំនួន ១២៣ អង្គ និង​នាក់ ។

​ជាមួយគ្នានេះដែរ ប្រធាន​សម្ព័ន្ធ​សមណ​និស្សិត​-​និស្សិត​ខ្មែរ​កម្ពុជា​ក្រោម ព្រះតេជព្រះគុណ សឺ​ន សុ​ផា​រិន្ទ បាន​អំពាវនាវ​ទៅកាន់​ម្ចាស់ជំនួយ​ទាំង​នៅក្នុង​ប្រទេស និង​ក្រៅប្រទេស​ឲ្យ​បន្ត​គាំទ្រ​សកម្មភាព​របស់​សម្ព័ន្ធ​សមណ​និស្សិត​-​និស្សិត​ខ្មែរ​កម្ពុជា​ក្រោម ដើម្បី​ជួយឧបត្ថម្ភ​ថវិកា សម្រាប់​បំពេញ​នូវ​តម្រូវ​ការងារ​ប្រចាំឆ្នាំ និង​មានលទ្ធភាព​អាច​រៀបចំ​ពិធី​ប្រគេន និង​ជូន​អាហារូបករណ៍​ដល់​សម​ណ​និស្សិត​-​និស្សិត​ក្រីក្រ ដែល​កំពុង​សិក្សា​នៅក្នុង​ប្រទេស និង​ការបញ្ជូន​សមណ​និស្សិត​ទៅ​បន្ត​ការសិក្សា​នៅឯ​បរទេស នៅ​ឆ្នាំ​បន្តបន្ទាប់​ទៀត ដើម្បី​បុព្វហេតុ​បណ្តុះបណ្តាល​ធនធានមនុស្ស និង​ការចូលរួមចំណែក​ក្នុងការ​កសាង​សម​ង្គ​ម​ជាតិ ។​

​សូមបញ្ជាក់ថា សម្ព័ន្ធ​សមណ​និស្សិត​-​និស្សិត​ខ្មែរ​កម្ពុជា​ក្រោម ជា​អង្គការ​មួយ ដែល​ទទួលស្គាល់​ជា​ផ្លូវការ កាលពី​ថ្ងៃទី ២១ ខែម​ថុ​នា ឆ្នាំ ២០០២ ដោយ​ក្រសួងមហាផ្ទៃ ។ អង្គការ​មួយ​នេះ តែងតែ​ធ្វើ​សកម្មភាព​ប្រមូលផ្តុំ​រវាង​សមណ​និស្សិត និង​និស្សិត​មាន​ដើមកំណើត​មកពី​ដែនដី​កម្ពុជា​ក្រោម ឲ្យ​មានការ​សាមគ្គី​គ្នា​ជា​ធ្លុង​មួយ ដើម្បី​ជួយ​គ្នា​ទៅវិញទៅមក ក្នុងការ​សិក្សា​រៀនសូត្រ ផ្សព្វផ្សាយ​វប្បធម៌ និង​ប្រពៃណី​របស់ខ្លួន​ជាដើម ៕

ខាងក្រោមនេះ ជារូបភាពខ្លះៗ ពីសកម្មភាពរបស់​សម្ព័ន្ធ​សមណ​និស្សិត​-​និស្សិត​ខ្មែរ​កម្ពុជា​ក្រោម ក្នុងថ្ងៃចែកអាហារូបករណ៍ដល់សមណនិស្សិត និងនិស្សិតក្រីក្រ នៅថ្ងៃទី ២១ សីហា ២០១៦ ។ រូបថតៈ ស៊ឺន ចែងចើន

IMG_9795 IMG_9783 IMG_9762 IMG_9728 IMG_9709 IMG_9695 IMG_9693 IMG_9681 IMG_9677 IMG_9667 IMG_9663 IMG_9655 IMG_9598 IMG_9594 IMG_9590 IMG_9527 IMG_9514 IMG_9508 IMG_9501 IMG_9489 IMG_9479 IMG_9465 IMG_9437 IMG_9408 IMG_9403 IMG_9396 IMG_9388 IMG_9361 IMG_9341 IMG_9331 IMG_9315 IMG_9298 IMG_9291 IMG_9277 IMG_9266 IMG_9256 IMG_9250 IMG_9241 IMG_9232 IMG_9225 IMG_9212 IMG_9199 IMG_9179 IMG_9178 IMG_9162 IMG_9155 IMG_9104 IMG_9091 IMG_9075 IMG_9070 IMG_9049 IMG_9041 IMG_9024 IMG_9016 IMG_8995 IMG_8992 IMG_8970 IMG_8964 IMG_8945 IMG_8942 IMG_8940 IMG_8938 IMG_8918 IMG_8908 IMG_8892 IMG_8881 IMG_8879 IMG_8871 IMG_8868 IMG_8867 IMG_8865 IMG_8858 IMG_8815 IMG_8844 IMG_8839 IMG_8838

IMG_8798 IMG_8802 IMG_8809 IMG_8821 IMG_8822 IMG_8925

Comments are closed