កម្ម​ករ​ខ្មែរ​ក្រោម នៅ​រោង​ចក្រ​សា​ម​ហូ (SAMHO) ក្រុង​ព្រៃន​គរ ធ្វើ​កូដ​កម្ម​ទាម​ទារ​ដំ​ឡើង​ប្រាក់​ខែ

February 14, 2017 1:12 PMComments Off on កម្ម​ករ​ខ្មែរ​ក្រោម នៅ​រោង​ចក្រ​សា​ម​ហូ (SAMHO) ក្រុង​ព្រៃន​គរ ធ្វើ​កូដ​កម្ម​ទាម​ទារ​ដំ​ឡើង​ប្រាក់​ខែViews: 292

កម្មករជិត ១ ម៉ឺននាក់ ដែល ៩០ ភាគរយជាខ្មែរក្រោម នៅព្រឹកថ្ងៃចន្ទទី ១៣ កុម្ភៈ ម្សិលមិញនេះ បានប្រមូលផ្តុំគ្នាតវ៉ា នៅមុខរោងចក្រផលិតស្បែកជើង និងសំលៀកបំពាក់ ដោយទាមទារឲ្យថៅកែក្រុមហ៊ុនឈ្មោះ Vietnam Samho Co., Ltd ដំឡើងប្រាក់ឈ្នួលកម្មកររហូតដល់ស្មើ ឬប្រហាក់ប្រហែល នឹងក្រុមហ៊ុន ដែលនៅក្បែរនោះ ។

ការតវ៉ាជាទ្រង់ទ្រាយធំនេះ ធ្វើឡើងបន្ទាប់ពីរោងចក្រនេះ បានបង្ខំឲ្យកម្មករធ្វើការលើសម៉ោង តែឲ្យប្រាក់ខែទាបបំផុត សម្រាប់កម្មករម្នាក់ៗ បើធៀបទៅ នឹងក្រុមហ៊ុនដែលផលិតស្បែកជើងដូចគ្នា នៅក្បែរនោះ មានប្រាក់ឈ្នួលថ្លៃជាង ។

ព្រះសង្ឃខ្មែរក្រោមមួយអង្គ សូមមិនបញ្ចេញព្រះនាម បានឲ្យដឹងថា សាច់ញាតិរបស់ព្រះអង្គដែលធ្វើការនៅរោងចក្រសាមហូ (SAMHO) នោះ ត្រូវបានថៅកែរំលោភសិទ្ធិការងារ ដោយផ្តល់ ប្រាក់ខែមិនសមស្រប់តាមកម្លាំងពលកម្មរបស់កម្មករខ្មែរក្រោម ។

ដើម្បីជ្រាបច្បាស់ជុំវិញ ការធ្វើកូដកម្មទាមទារដំឡើងប្រាក់ខែ ពីកម្មករ កម្មការីខ្មែរក្រោម ។ លោក ស៊ឺន ចែងចើន នៃវិទ្យុសំឡេងកម្ពុជាក្រោម បានធ្វើកិច្ចសម្ភាសន៍ខ្លី ជាមួយ នឹងព្រះសង្ឃខ្មែរក្រោម ដែលដឹងរឿងនេះ ដូចតទៅ ៖

រូបថត និងវីដេអូនៃការធ្វើកូដកម្មទាមទារដំឡើងប្រាក់ខែរបស់កម្មករខ្មែរក្រោម

16736027_762460600567708_400719805_n 16736330_762460603901041_1174346893_n 16736387_762460597234375_1905565610_n 16736392_762460607234374_1925124934_n 16753949_762460593901042_1652143636_n 16753951_762460613901040_1578584211_n 16753970_762460590567709_783538615_n 16779882_762460643901037_868156648_n 16780185_762460620567706_577554435_n

លិខិតកំណត់ប្រាក់ខែគោលថ្មីរបស់ក្រុមហ៊ុន ដែលកម្មករខ្មែរក្រោមយល់ថា ជាការកាត់បន្ថយប្រាក់អត្ថប្រយោជន៍ផ្សេងៗ

លិខិតកំណត់ប្រាក់ខែគោលថ្មីរបស់ក្រុមហ៊ុន ដែលកម្មករខ្មែរក្រោមយល់ថា ជាការកាត់បន្ថយប្រាក់អត្ថប្រយោជន៍ផ្សេងៗ

លិខិតកំណត់ប្រាក់ខែគោលថ្មីរបស់ក្រុមហ៊ុន ដែលកម្មករខ្មែរក្រោមយល់ថា ជាការកាត់បន្ថយប្រាក់អត្ថប្រយោជន៍ផ្សេងៗ

Comments are closed