អស់លោកអ្នកនាង និងប្រិយមិត្តជាទីគោរពរាប់អាន អាជ្ញាធរយួនខែត្រព្រះត្រពាំង និងខែត្រឃ្លាំង អតីតទឹកដីកម្ពុជាក្រោម នៅតែបន្តគំរាបគំហែង និងចាប់ខ្លួនសកម្មជនសិទ្ធិ មនុស្សខ្មែរក្រោម តវ៉ារឿងដីធ្លីដាក់ពន្ធនាគារជាហូរហែរ…… ករណីលោក វិញ បា សកម្ម ជនសិទ្ធិមនស្ស ហ៊ានក្រោកឡើងតវ៉ារឿងដីធ្លីកេរដូនតា ដែលត្រូវរដ្ឋអំណាចយួនរំលោភ យកទាំងបំពាន និងអយុត្តិធម៌នោះ ត្រូវបានអាជ្ញាធរយួន ខែត្រឃ្លាំង ធ្វើការបង្រ្កាប និង ចាប់ដាក់ពន្ធនាគារ រួចកាត់ទោសដោយតុលាការប្រជាជនបក្សកុម្មុយនីស្តយួន រយៈពេល ពីរឆ្នាំ កាលពីពេលថ្មីៗនេះ ដោយចោទប្រកាន់លោក វិញ បា ជាអ្នកប៉ះប៉ោដឹកនាំប្រជាជន ធ្វើបាតុកម្ម និងផ្តល់ពត៌មានមិនពិតចេញទៅក្រៅប្រទេស។

សូមចុចស្តាប់សេចក្តីរាយការណ៍របស់កញ្ញា ថាច់ សុជាតា វិទ្យុសម្លេងកម្ពុជាក្រោម ពីសហរដ្ឋអាមេរិក

ចំណែកអ្នកស្រី ត្រឹង ធី ចូវ នៅស្រុកផ្នោរដាច់ ខែត្រព្រះត្រពាំងវិញ រដ្ឋអំណាចយួន បានស្ទាក់ចាប់អ្នកស្រី នៅគ្រាដែលអ្នកស្រី ត្រឹង ធី ចូវ ធ្វើដំណើរទៅចូលរួមពិធី មង្គលការអ្នកស្រុកមួយ កាលពីថ្ងៃទី២២ ខែ មេសា ដោយចោទប្រកាន់អំពីករណីរឿង ដីធ្លីនោះផងដែរ រហូតមកទល់ពេលនេះ អស់រយៈពេល ៤ខែហើយ រដ្ឋអំណាចយួន នៅតែបន្តឃុំឃាំង និងគ្មានបើកសវនាការឡើយ។ រីឯលោកគ្រូ ថាច់ សោភណ្ឌ ជាអតីតចៅ អធិការវត្តកំពង់និគ្រោធកំពង់ក្សាន្ត នៅទីរួមខែត្រព្រះត្រពាំង ដែលត្រូវអាជ្ញាធរយួន ចាប់ពង្រត់ដោយស្ងាត់ៗ យកទៅដាក់ពន្ធនាគារ កាលពីថ្ងៃទី ២៩ ខែកក្កដា កន្លងទៅនេះ អាជ្ញាធរនគរបាលយួន ហាមមិនឱ្យក្រុមគ្រួសារទៅជួបសួរសុខទុក្ខ និងមិនទាន់កំណត់ថ្ងៃ បើកសវនាការឡើយ រហូតមកទល់ថ្ងៃនេះ។ សូមជំរាបជូនថា បន្ទាប់ពីអាជ្ញាធរយួន បានចាប់ប្រជាកសិករខ្មែរក្រោម និងសកម្មជនសិទ្ធិមនសុ្សខ្មែរក្រោម នៅទឹកដីកម្ពុជាក្រោមនោះ សហព័ន្ធខ្មែរកម្ពុជាក្រោម ដែលមានទីតាំង នៅសហរដ្ឋអាមេរិក ដែលកំពុងធ្វើសកម្មភាពយ៉ាងមមាញឹក លើឆាកអន្តរជាតិ ដើម្បីទាមទារសិទ្ធិសម្រេច វាសនាខ្លួនដោយខ្លួនឯង ពីនឹមអាណានិគមយួន ក៏បានចេញសេចក្តីថ្លែងការណ៍ចោទទៅ លើរដ្ឋាភិបាលយួន តែងតែរំលោភសិទ្ធិមនុស្ស ខ្មែរក្រោម និងអំពាវនាវឱ្យសហគមន៍អន្តរ ជាតិជួយធ្វើអន្តរាគមន៍ជុំវិញករណីអាជ្ញាធរ នគរបាលយួន ចាប់ខ្មែរក្រោមដាក់គុកផងដែរ។

អស់លោកអ្នកនាង និងប្រិយមិត្ត ជាទីមេត្រី វិទ្យុសំឡេងកម្ពុជាក្រោម និងសាខា សហព័ន្ធខ្មែរកម្ពុជាក្រោម ប្រចាំទីក្រុងស្តុកតុន ភាគខាងជើង នៃរដ្ឋកាលីហ្វ័រញ៉ាបាន ទទួលដំណឹងទុក្ខក្រៀមក្រំយ៉ាងខ្លាំង ដោយលោក ម៉ី ង៉ាន ជាសកម្មជនគាំទ្រសហព័ន្ធ ខ្មែរកម្ពុជាក្រោម ប្រចាំទីក្រុងស្តុកតុន បានទទួលមរណៈភាព កាលពីថ្ងៃសៅរ៍ ទី ២១ សីហា វេលាម៉ោង៣និង៣០នាទីរំលងអាធ្រាត្រ ដោយរោគាពាធ នៅមន្ទីរពេទ្យ Damron ទីក្រុងស្តុកតុន ក្នុងជន្មាយុ ៧៧ឆ្នាំ។ លោក ម៉ី ង៉ាម ជាសកម្មជនគាំទ្រសហព័ន្ធខ្មែរកម្ពុជា ក្រោម នៅទីក្រុងស្តុកតុន ដែលមានកូនក្នុងបន្ទុកគ្រួសារចំនួន ៦នាក់ គឺប្រុស ២នាក់ និងប្រុស៤នាក់។ កម្មវិធីបុណ្យបូជាសព ដែលនឹងប្រព្រឹត្តនៅថ្ងៃសុក្រទី ២៧ ខែសីហា នៅវត្ត ធម្មវរារាម ទីក្រុងស្តុកតុន នៅវេលាម៉ោង ៥ល្ងាច ក្រុមគ្រួសារ និងញាតិមិត្តជិតឆ្ងាយ អញ្ជើញទៅគោរពវិញ្ញាណក្ខ័ន្ធសព និងពិធីប្រពៃណីសាសនា រួមទាំងនិមន្តព្រះសង្ឃចំរើន ព្រះបរិត្ត រួចឧទ្ទិសកុសលជូនវិញ្ញាណក្ខ័ន្ធសព លោក ម៉ី ង៉ាម។ លុះដល់ថ្ងៃសៅរ៍ ទី ២៨ សីហា វេលាម៉ោង១ថ្ងៃត្រង់ ប្រារព្ធពិធីបុណ្យបូជាសពតាមប្រពៃណី ទំនៀមទម្លាប់ព្រះពុទ្ធ សាសានា នៅឈាបដ្ឋាន FrenchCamp ទីក្រុងស្តុកតុន នៃរដ្ឋកាលីហ្វ័រញ៉ា សហរដ្ឋអាមេ រិក។ ដំណឹងនេះចាត់ទុកជា សេចក្តីគោរព អញ្ជើញលោក លោកអ្នកស្រី និងញាតិមិត្តជិតឆ្ងាយ មេត្តាចូលរួមពិធីបុណ្យសព ឱ្យបានច្រើនកុះករ។ ការបាត់បង់ជីវិតលោក ម៉ី ង៉ាម ជាសកម្មជនគាំទ្រសហព័ន្ធខ្មែរកម្ពុជាក្រោមនោះ សហព័ន្ធខ្មែរកម្ពុជាក្រោម នៅជុំវិញពិភពលោក មានសេចក្តីសោកស្តាយ អាលោះអាល័យ ឥតឧបមា និងសូមចូលរួមរំលែកទុក្ខជាមួយ នឹងក្រុមគ្រួសារលោក ម៉ី ង៉ាម ដោយសេចក្តីទុក្ខក្រៀមក្រំបំផុត។ ពត៌មានបន្ថែម សូមទំនាក់ទំនងលោក លូ លីន ថាយ ប្រធានសាខាសហព័ន្ធខ្មែរកម្ពុជាក្រោម ប្រចាំរដ្ឋ កាលីហ្វ័រញ៉ា ភាគខាងជើង តាមទូរស័ព្ទលេខ ៤០៨ ៣៩៦ ៣៤០៤, លោក ចៅ សី ទូរស័ព្ទលេខ ២០៩ ៩៨១ ៧៦៨៧ និងលោក ស៊ីម ហួត ទូរស័ព្ទលេខ ២០៩ ៣៣៧ ៨៦៦០ សូមអរគុណ និងអរព្រះគុណ។

របបគ្រប់គ្រង់ក្រុងហាណូយនៃបក្សកុម្មុយនីស្តសព្វថ្ងៃ កំពុងតែប្រើល្បិចមហិច្ឆិតារំលោភសិទ្ធិ មនុស្សខ្មែរក្រោម ឥតឈប់ឈរ ទាំងវប្បធម៌ ប្រពៃណី ទំនៀមទម្លាប់ និងជំនឿសាសនា ជាដើម ជាក់ស្តែងកាលពីថ្ងៃទី ២៩ កក្កដា ឆ្នាំ២០១០ កន្លងទៅនេះ អាជ្ញាធរយួន ខែត្រព្រះត្រពាំង អតីតទឹកដីកម្ពុជាក្រោម បានចុះទៅចាប់ពង្រត់លោកគ្រូ ថាច់ សោភ័ណ្ឌ ជាអតីតព្រះចៅអធិការវត្តកំពង់និគ្រោធកំពង់ក្សាន្ត ដោយស្ងាត់ៗ និងអាថ៌កំបាំងបំផុត គឺរហូតមកទល់ពេលនេះ ក្រុមគ្រួសារ ឬសាច់ញាតិមិនទាន់បាន ទទួលដំណឹងពីអាជ្ញាធរយួន នៅឡើយ។

សូមចុចស្តាប់សេចក្តីរាយការណ៍របស់កញ្ញា ថាច់ សុជាតា វិទ្យុសម្លេងកម្ពុជាក្រោម ពីសហរដ្ឋអាមេរិក

កាលពីថ្ងៃអង្គារ ទី ១៧ សីហា នេះ ប្រភពពត៌មានពីខែត្រព្រែកឬស្សី បានប្រាប់វិទ្យុសំឡេង កម្ពុជាក្រោម នៅថ្ងៃនេះថា ក្រុមមជ្ឈឹមបក្សកុម្មុយនីស្តយួន ដែលដឹកនាំដោយលោក ស៊ើង ភឿក ហ្វាង រួមទាំងមន្រ្តីយួនជាច្រើនរូបទៀត បានចុះទៅបើកកិច្ចប្រជុំមួយ នៅសាលា វិទ្យាស្ថានព្រះពុទ្ធសាសនាខ្មែរ នៅវត្តអូម៉ុល ទីរួមខែត្រព្រែកឬស្សី ដោយមានមន្រ្តីសង្ឃ និងថ្នាក់ដឹកនាំបក្សកុម្មុយនីស្តយួន ទៅពីខែត្រក្រមួនសរ ឃ្លាំង ទីក្រុងព្រៃនគរ ទីក្រុងហាណូយ រួមទាំងខែត្រព្រែកឬស្សី ប្រមាណជាង៤០អង្គនិងរូប។ ដើម្បីជួបជុំគ្នា ជាមួយនឹងសមណៈនិស្សិតខ្មែរក្រោម នៅក្នុងសាលាវិទ្យាស្ថានព្រះពុទ្ធសាសនាខ្មែរនៃវត្ត អូម៉ុល។ ប្រភពបានប្រាប់វិទ្យុសំឡេងកម្ពុជាក្រោម បន្ថែមទៀតថា នៅក្នុងកិច្ចប្រជុំអស់ រយៈពេលមួយថ្ងៃនោះ គឺមន្រ្តីកុម្មុយនីស្តយួន បានថ្លែងអំពីគោលនយោបាយខ្មោចហូជីមិញ និងគំរាមទៅដល់សមណៈនិស្សិត  នៃសាលាវិទ្យាស្ថានព្រះពុទ្ធសាសនាខ្មែរនោះថា ប្រសិនបើ មានអង្គណាមួយប្រព្រឹត្តប្រាស់ចាគនឹងគោលនយោបាយរបស់បក្ស ពួកគេ នឹងបញ្ឈប់ ការសិក្សារួចចាប់ដាក់គុកជាកំហិត។ សូមជំរាបថា នៅក្នុងកិច្ចប្រជុំនោះ ក៏មានវត្តមានសង្ឃ យួន និងប៉ុលីសសន្តិសុខយួនចំនួន៤នាក់ ចូលរួមតាមដាន និងអង្កេតការណ៍ផងដែរ។

ថ្ងៃសុក្រ, 06 ខែសីហា 2010 ដោយលោក វោហារជាតិ វិទ្យុ អាស៊ីសេរី ភ្នំពេញ

សមាគម​ខ្មែរ​កម្ពុជា​ក្រោម​នានា បាន​ចេញ​សេចក្ដី​ប្រកាស​ព័ត៌មាន​មួយ​នៅ​ថ្ងៃ​ទី​៥ សីហា ប្រតិកម្ម​ទៅ ​នឹង​សេចក្ដី​ថ្លែងការណ៍​របស់​មេ​ដឹក​នាំ​សន្តិសុខ​វៀតណាម។ សមាគម​ខ្មែរ​ក្រោម​ចំនួន​៧ ដែល​មាន​ចុះ​ហត្ថលេខា​ថ្នាក់​ដឹកនាំ​សមាគម​ផង​នោះ បាន​ចេញ​សេចក្ដី​ថ្លែងការណ៍​មួយ​នៅ​ថ្ងៃ​ទី​៥ សីហា​នេះ ឆ្លើយ​តប​ទៅ លោក ត្រឹង ដាយ​ខ្វាង អនុ​រដ្ឋមន្ត្រី ក្រសួង​សន្តិសុខ​សាធារណ​ប្រទេស​វៀតណាម ដែល​បាន​សុំ​ឲ្យ​រដ្ឋាភិបាល​កម្ពុជា​បច្ចុប្បន្ន​បង្ក្រាប​ក្រុម​ខ្មែរ​ កម្ពុជា​ក្រោម​នោះ បាន​អះ​អាង​ថា វៀតណាម​ធ្វើ​ដូច្នេះ​គឺ​ជា​រំលោភ​អធិបតីភាព​កម្ពុជា​ទាំង​ស្រុង និង​ជា​ការ​គំរាម​បំបាក់​ស្មារតី ព្រមទាំង​បំបិទ​សិទ្ធិ​សេរីភាព​ខ្មែរ​កម្ពុជា​ក្រោម។ព្រះ​សង្ឃ ចៅ សុផាត ប្រធាន​សម្ព័ន្ធ​សមណ​និស្សិត និស្សិត​ខ្មែរ​កម្ពុជា​ក្រោម​ដែល​បាន​ចុះ​ហត្ថលេខា​លើ​សេចក្ដី​ថ្លែងការណ៍​ នោះ​ក្នុង​ចំណោម​សមាគម​ដទៃ​ទៀត ឆ្លើយ​តប​ទៅ​នឹង​មេ​ដឹក​នាំ​វៀតណាម  មាន​សង្ឃ​ដីកា សកម្មភាព​ខ្មែរ​កម្ពុជា​បាន​ធ្វើ​កន្លង​មក​មិន​បាន​ប្រឆាំង​បទេស​វៀតណាម​ទេ​ គឺ​គ្រាន់​តែ​ជា​សកម្ម​ភាព​ទាមទារ​សិទ្ធិ​សេរីភាព​ពី​អាជ្ញាធរ​វៀត​ណាម​ដែល​ កៀប​សង្កត់​សិទ្ធិ​សេរីភាព​ខ្មែរ​កម្ពុជា​ក្រោម​តែ​ប៉ុណ្ណោះ ខ្មែរ​កម្ពុជា​ក្រោម​មិន​មាន​អំណាច​យោធា​ណា​អាច​ផ្ដួល​រំលំ​រដ្ឋាភិបាល​ វៀតណាម​បាន​ទេ ៖
សូមចុចស្តាប់សេចក្តីរាយការណ៍របស់លោក វោហារជាតិ វិទ្យុអាស៊ីសេរី ភ្នំពេញ
«ទី​មួយ​ការ​ស្នើ​អ៊ីចឹង​យើង​គិត​ឃើញ​ថា​ជា​ការ​រំលោភ​ មក​លើ​អធិបតីភាព​ព្រះ​រាជាណាចក្រ​កម្ពុជា។ យើង​ចង់​និយាយ​ថា យើង​ធ្វើ​មិនមែន​យើង​ចង់​ប្រឆាំង​ទេ យើង​ធ្វើ​ក្នុង​តួនាទី​ជា​ខ្មែរ បាត់​បង់​នូវ​អ្វី​ដែល​ជា​របស់​ខ្មែរ យើង​គ្រាន់​តែ​និយាយ​នូវ​អ្វី​ដែល​ជា​រឿង​ពិត​តើ។ អីចឹង ដល់​ពេល​គេ​ចោទ​ប្រកាន់​មក​លើ​យើង​អ៊ីចឹង យើង​ត្រូវ​តែ​ប្រតិកម្ម​ទៅ​វិញ ថា​អ្វី​ដែល​គេ​ចោទ​ប្រកាន់​នោះ​ដូច​ជា​ជ្រុល​ហួស​មក​លើ​ខ្មែរ​ក្រោម​ពេក​»។ » អានបន្ថែម »

សហព័ន្ធខ្មែរកម្ពុជាក្រោម ដែលដឹកនាំដោយលោកតោ គឹមថុងអធិបតីសហព័ន្ធខ្មែរកម្ពុជា ក្រោម និងលោកថាច់ ង៉ុកថាច់ ប្រធានប្រតិបត្តិសហព័ន្ធខ្មែរកម្ពុជាក្រោម កំពុងនាំប្រតិភូសហព័ន្ធខ្មែរកម្ពុជាក្រោមជាច្រើនអង្គ និងរូបទៅចូលរួមទិវាមនស្សធម៌ ខ្មែរពិភពលោក សង្រ្គោះខ្មែរក្រោម នៅទីក្រុងម៉ុងរ៉េអាល់ ខេត្តគេបិច នៃប្រទេសកាណាដា។
សូមចុចស្តាប់សេចក្តីរាយការណ៍របស់លោក ថាច់ សាមី វិទ្យុសម្លេងកម្ពុជាក្រោម ពីសហរដ្ឋអាមេរិក
កម្មវិធីនេះនឹងប្រព្រឹត្តិទៅនៅថ្ងៃទី៧ ខែ សីហា ឆ្នាំ២០១០ខានស្អែកនេះ ក្រោមការរៀបចំ របស់ប្រធានសាខាសហព័ន្ធខ្មែរកម្ពុជាក្រោម  ប្រចាំទីក្រុងម៉ុងរ៉េអាល់ ខេត្តគេបិច នៃប្រទេសកាណាដា ដែលបានសហការរួមជាមួយនឹងលោកជា សោភ័ណ ព្រមទាំងគណៈកម្មការជាច្រើនអង្គនិងរូប។ បុព្វហេតុដែលជម្រុញឱ្យកើតមានទិវាមនុស្សធម៌ ខ្មែរពិភពលោកសង្រ្គោះខ្មែរក្រោម នាថ្ងៃទី៧ ខែសីហានេះគឺ៖ » អានបន្ថែម »

ប្រភពពត៌មានពីទឹកដីកម្ពុជាក្រោម បានប្រាប់វិទ្យុសំឡេងកម្ពុជាក្រោម កាលពីថ្ងៃទី៣១ កក្កដា ម្សិលមិញនេះថា  អតីតព្រះចៅអធិការវត្តកំពង់ក្សាន្ត នៃខែត្រព្រះត្រពាំង ថាច់ សោភ័ណ្ឌ ត្រូវបានអាជ្ញាធរយួនកុម្មុយនីសន្ត ចាប់ខ្លួនដោយស្ងាត់ៗ និងគ្មានមូលហេតុច្បាស់លាស់ បន្ទាប់ពីអតីត  ព្រះចៅអធិការវត្តរូបនេះ លាចាកសិក្ខាបទបានមួយសប្តាហ៍តែប៉ុណ្ណោះ តាមសេចក្តីរាយការណ៍ពីកម្ពុជាក្រោម បន្ថែមទៀតថា មកទល់ពេលនេះ ក្រុមគ្រួសារឬ សាច់ញាតិមិនទាន់ដឹងថា អតីតព្រះចៅអធិការ ថាច់ សោភ័ណ្ឌ ជាប់ឃុំខ្លួនទីណានៅឡើយ ។

សូមជំរាបជូនថា អតីតព្រះចៅអធិការវត្តកំពង់និគ្រោធកំពង់ក្សាន្ត ថាច់ សោភ័ណ្ឌ ប្រសូតិ នៅឆ្នាំថោះ គ.ស ១៩៧៦ ជាកូនប្រុសពៅ ទី៨ របស់លោកតា ថាច់ យ៉ាង និង លោកយាយ ថាច់ ធី យើន។ លោក ថាច់ សោភ័ណ្ឌ បានសាងផ្នួសក្នុងឆ្នាំ១៩៩០ ហើយត្រូវបាន សមាគមព្រះសង្ឃ និងពុទ្ធបរិស័ទចំណុះជើងវត្តកំពង់ក្សាន្ត តែងតាំងជាព្រះចៅ អធិការវត្តនៅឆ្នាំ២០០០។ ហើយលាចាកសិក្ខាបទ នៅថ្ងៃទី ២២ ខែកក្កដា ឆ្នាំ២០១០ និងត្រូវអាជ្ញាធរយួនចាប់ខ្លួន នាថ្ងៃទី២៩ កក្កដា ឆ្នាំ២០១០ វេលាម៉ោង១១ថ្ងៃត្រង់៕

សហព័ន្ធខ្មែរកម្ពុជាក្រោម គឺជាចលនាតស៊ូដោយសន្តិវិធី និងអហឹង្សាប្តឹង ទាមទារសិទ្ធិសម្រេចវាសនាខ្លួនដោយខ្លួនឯង ជូនជនជាតិខ្មែរក្រោម ស្របតាម ច្បាប់អង្គកាសហប្រជាជាតិ។ ខ្មែរក្រោមមានមោទនភាពយ៉ាងក្រៃលែង ចំពោះ សហព័ន្ធខ្មែរកម្ពុជាក្រោម ដែលបានចូលជាសមាជិកពេញសិទ្ធិរបស់អង្គការតំ ណាងឱ្យប្រជាជាតិ ដែលគ្មានអ្នកតំណាងនៅក្នុងអង្គការសហប្រជាជាតិ ហៅ កាត់ជាភាសាអង្គគ្លេសថា យូអិនភីអូ កាលពីថ្ងៃទី១៥ ខែកក្កដា ឆ្នាំ២០០១។ ខ្មែរ ក្រោមបានចាត់ទុកថ្ងៃទី១៥ ខែកក្កដានេះ ជាថ្ងៃប្រវត្តិសាស្រ្តរបស់ខ្មែរក្រោម ហើយនៅរៀងរាល់ថ្ងៃទី១៥ ខែកក្កដា ខ្មែរក្រោមទូទាំងពិភពលោក តែងតែនាំគ្នា ប្រារព្ធទិវាអបអរសាទរថ្ងៃនេះមិនដែលខកខានឡើយ។
កាលពីថ្ងៃទី១៨ ខែ កក្កដា ឆ្នាំ២០១០ កន្លងទៅនេះ គណៈកម្មការសមាគម និងសាខាសហព័ន្ធខ្មែរ កម្ពុជាក្រោម ប្រចាំរដ្ឋវ៉ាស៊ីនតោន បានជួបជុំគ្នាពិភាក្សាជ្រើសរើស យកថ្ងៃទី៣០ ខែកក្កដា ឆ្នាំ២០១០ ដើម្បីប្រារព្ធទិវាអបអរសាទរខួបឆ្នាំទី៩ នៃថ្ងៃដែលសហព័ន្ធខ្មែរកម្ពុជាក្រោមបានចូលជាសមាជិកពេញសិទ្ធិរបស់អង្គការយូអិនភីអូ។ កម្មវិធី និងប្រព្រឹត្តទៅ នៅរាត្រីថ្ងៃសុក្រទី៣០ ខែកក្កដា ឆ្នាំ២០១០ នៅភោជ នីយដ្ឋាន Empire Dragon នៅទីក្រុងតាកូម៉ា នៃរដ្ឋវ៉ាស៊ីនតោន ចាប់ផ្តើមពី ម៉ោង៧យប់ ទៅទល់នឹងម៉ោង១២រំលងអាធ្រាត ក្រោមអធិបតីភាព លោក ថាច់ ង៉ុក ថាច់ ប្រធានប្រតិបត្តិ សហព័ន្ធខ្មែរកម្ពុជាក្រោម។
ដំណឹងនេះចាត់ទុកជាសេចក្តីអញ្ជើញ អស់លោក លោកស្រីភ្ញៀវកិត្តិយស គ្រប់ទិសទីមេត្តាអញ្ជើញទៅចូលរួមឱ្យកុះករកុំបីអាក់ខានឡើយ។
ពត៌មានបន្ថែម សូមអស់លោក លោកស្រីអញ្ជើញទាក់ទងតាមរយៈលេខ ទូរស័ព្ទជាមួយផងដូចខាងក្រោមនេះ៖
លោក សឺង សឿង ទូរស័ព្ទលេខ(២៥៣)២២២-៦៨៤១ និង លោក ថាច់ ភឿង ទូរស័ព្ទលេខ(២៥៣)៩៧០-៣៣៤៤។ សូមអរព្រះគុណ និងអរគុណ។

កាលពីថ្ងៃសៅរ៍ទី១០ និងថ្ងៃអាទិត្យទី១១ កន្លងទៅនេះនៅវត្តមូនីសូតារាមរដ្ឋមូនីសូតា សហរដ្ឋអាមេរិក មានរៀបចំកម្មពិធីបុណ្យសង្ឃទាន ក៏ដូចជាពិធីទទួលស្វាគមន៍ អតីតអ្នកទោសគ្មានកំហុសខ្មែរក្រោមបីអង្គ គឺព្រះតេជគុណទឹម សាខន អតីតចៅអធិការវត្តភ្នំដិនខាងជើង ស្រុកគីរិវង្ស ខេត្តតាកែវនិងអតីតសមណនិស្សិត សាលាបាលីជាន់ខ្ពស់ខេត្តឃ្លាំងកម្ពុជាក្រោមពីរអង្គ គឺព្រះតេជគុណយ៉ាញ់ តូន ហើយនិងព្រះតេជគុណគីមមឿន ដែលបានរៀបចំឡើងដោយ លោកបណ្ឌិតថាច់ ឆេង ប្រធានសាខាសហព័ន្ធខ្មែរកម្ពុជាក្រោមប្រចាំរដ្ឋមូនីសូតា និងលោកជាតិ ហង្សា ក្រុមប្រឹក្សាភិបាលវត្តមូនីសូតារាមរួមជាមួយ នឹងគណៈកម្មការសាខាសហព័ន្ធខ្មែរកម្ពុជាក្រោម និងគណៈកម្មការវត្តមូនីសូតារាម។ » អានបន្ថែម »