ពលរដ្ឋខ្មែរកម្ពុជាក្រោម ១៧នាក់ បានតវ៉ាជាថ្មីម្ដងទៀត សុំឲ្យអង្គការ UNHCR ទទួលយកពួកគាត់ជាជនភៀសខ្លួនស្របច្បាប់ ដើម្បីទៅរស់នៅប្រទេសទី៣ ប៉ុន្តែត្រូវបានបដិសេធ។
ពលរដ្ឋខ្មែរកម្ពុជាក្រោម ១៧នាក់ ស្មើនឹង ៦គ្រួសារ នៅថៃ្ងច័ន្ទនេះបានសំដែងការតវ៉ាជាថ្មីទៀតសុំឲ្យការិយាល័យឧត្ដម ស្នងការអង្គការសហប្រជាជាតិ (អ.ស.ប.) ទទួលបន្ទុកជនភៀសខ្លួន (UNHCR) ប្រចាំនៅកម្ពុជា ទទួលយកពួកគាត់ជាជនភៀសខ្លួនស្របច្បាប់ ដើម្បីទៅរស់នៅក្នុងប្រទេសទី៣ ក្រោយពីអាជ្ញាធរកម្ពុជាមិនព្រមចេញឯកសារ ឬអត្តសញ្ញាណប័ណ្ណនានាឲ្យពួកគាត់ ដើម្បីរស់នៅស្របច្បាប់ក្នុងប្រទេសកម្ពុជា។ » អានបន្ថែម »
តុលាការវៀតណាមក្នុងទឹកដីខែ្មរកម្ពុជាក្រោម កាលពីថ្ងៃ១៩ មីនានេះ បានកាត់ទោសប្រជាពលរដ្ឋខ្មែរកម្ពុជាក្រោមម្នាក់ លោក ហ្វិន បា ឲ្យជាប់គុក ២ឆ្នាំ ក្រោមបទចោទថា បាននិយាយប្រាប់វិទ្យុអាស៊ីសេរីបំផ្លើសពីការពិត ប៉ះពាល់កិត្តិយសកម្មាភិបាលវៀតណាម ក្នុងរឿងតវ៉ាទាមទារដីធ្លីនិងបានដឹកនាំការតវ៉ាដីធ្លីកន្លងមក។
ប្រភពបានឲ្យដឹងថា លោក ហ្វិន បា កំពុងតែជាប់ឃុំខ្លួននៅក្នុងគុក នៅខេត្តឃ្លាំង ដោយគេមិនអនុញ្ញាតឲ្យក្រុមគ្រួសារចូលសួរសុខទុក្ខទេ។
ស្ត្រីខ្មែរកម្ពុជាក្រោមម្នាក់នៅក្នុងស្រុកបឹងសន្សា ខេត្តឃ្លាំង ប្រទេសវៀតណាម ទឹកដីខែ្មរកម្ពុជាក្រោម ដែលធ្លាប់បានចូលរួមតវ៉ាទាមទារដីធ្លីកន្លងមកជាមួយលោក ហ្វិន បា បានថែ្លងប្រាប់វិទ្យុអាស៊ីសេរីតាមទូរស័ព្ទមកថា ៖ «ហ្វិន បា គេកាត់ទោសពីម្សិលមិញ (១៩ មីនា) រួចហើយ។ ខ្ញុំធ្លាប់ដើរទៅប្ដឹងរឿងទឹកដីជាមួយ ហ្វិន បា ជាមិត្តភក្ដិស្គាល់គ្នា ទៅជួប»។
» អានបន្ថែម »
នៅក្នុងបន្ទប់មួយដែលមានទំហំ៥គុណនឹង៣ម៉ែត្រនៅសង្កាត់បឹងទំពុនខណ្ឌ
មានជ័យក្រុងភ្នំពេញ ប្រជាពលរដ្ឋខ្មែរកម្ពុជាក្រោមចំនួន៨នាក់រស់នៅយ៉ាង
ប្រជ្រៀតគ្នាដោយគេងផ្ទាល់នឹងឥដ្ឋ។ » អានបន្ថែម »
លោក វិន បា (Huynh Ba) នឹងត្រូវបានតុលាការប្រជាជនខេត្តឃ្លាំង នៃបក្សកុម្មុយ និស្តវៀតណាម កាត់ទោសនៅថ្ងៃទី ១៩ ខែមីនា ខាងមុខនេះ ក្រោយពីគាត់ បានជាប់ពន្ធ នាគារអស់ រយៈពេលជិតមួយឆ្នាំកន្លងមក ដោយលោកបានធ្វើការទាមទារ ឲ្យអាជ្ញាធរ វៀតណាមសងដីកេររបស់ខ្លួនមកវិញ ។
ប្រភពព័ត៌មានពីមន្ត្រីសហព័ន្ធខ្មែរកម្ពុជាក្រោម (KKF) បានប្រាប់សារព័ត៌មានព្រៃនគរ កាលពីថ្ងៃ ១២ ខែមីនា ថា លោក វិន បា នឹងត្រូវបានតុលាការប្រជាជនខេត្តឃ្លាំង (Soc Trang) កាត់ ទោសនៅថ្ងៃទី ១៩ ខែមីនា ខាងមុខនេះ តែនៅមិនទាន់ដឹងថា ចៅក្រម នឹងប្រ កាសសាលក្រម ឲ្យជាប់គុកប៉ុន្មានឆ្នាំនៅឡើយទេ ក្រោយពីលោកបានជាប់ពន្ធនា គារអស់រយៈពេល ជាងមួយឆ្នាំកន្លងមក ។ » អានបន្ថែម »
ឧត្តមស្នងការអង្គការសហប្រជាជាតិទទួលបន្ទុកជនភៀសខ្លួននៅ កម្ពុជា (UNHCR) នៅថៃ្ងទី៣ ខែមីនានេះ បានបដិសេធមិនទទួលការស្នើសុំរបស់គ្រួសារខែ្មរកម្ពុជាក្រោម១៨ នាក់ ដែលកំពុងតែស្វែងរកសិទ្ធិជ្រកកោនដើម្បីទៅរស់នៅក្នុងប្រទេសទី៣។
RFA/Den Ayuthyea
គ្រួសារខ្មែរកម្ពុជាក្រោមជួបជុំគ្នានៅមុខការិយាល័យ UNHCR ក្នុងរាជធានីភ្នំពេញ នៅថ្ងៃ២៨ ធ្នូ ២០០៩។
ការប្រឹងប្រែងសុំសិទ្ធិជ្រកកោននោះ គឺក្រោយពេលដែលអាជ្ញាធរក្រុងភ្នំពេញបានបដិសេធមិនព្រមផ្តល់ អត្តសញ្ញាណប័ណ្ណ សៀវភៅគ្រួសារនិងសំបុត្រកំណើតដល់គ្រួសារខែ្មរកម្ពុជាក្រោមទាំងនោះ កាលពីចុងខែកុម្ភៈ កន្លងទៅថ្មីៗនេះ ដើម្បីរស់នៅដោយស្របច្បាប់នៅក្នុងប្រទេសកម្ពុជា។
តំណាងគ្រួសារ ខែ្មរកម្ពុជាក្រោមចំនួន១៨នាក់ គឺលោក ថាច់ សុង ដែលបាននាំគ្នាទៅសុំសិទ្ធិជ្រកកោនពីអង្គការ UNHCR នៅក្នុងទីក្រុងភ្នំពេញ នៅថៃ្ងពុធ ទី៣ មីនានេះ បានថែ្លងថា ៖ «ខ្ញុំ បានយកពាក្យសំណូមពរ ឬហៅថា លិខិតអំពាវនាវទៅខាង UNHCR ឲ្យគាត់ទទួលយកពួកខ្ញុំហ្នឹងឲ្យទៅជាជនភៀសខ្លួនស្របច្បាប់។ គាត់នៅតែបដិសេធ គាត់នៅតែយកសម្ដីខាងរដ្ឋាភិបាលយកមកចរចាជាមួយពួកយើងដដែល»។ » អានបន្ថែម »
អាជ្ញាធរមូលដ្ឋាននៅក្នុងសង្កាត់បឹងទំពុន ខណ្ឌមានជ័យ ក្រុងភ្នំពេញ នៅថៃ្ង២៣ កុម្ភៈនេះ បានចេញលិខិតជាផ្លូវការហើយ ដោយបដិសេធមិនធ្វើអត្តសញ្ញាណប័ណ្ណឲ្យគ្រួសារខែ្មរកម្ពុជាក្រោម ២៤នាក់ ដែលកំពុងតែស្វែងរកសិទ្ធិរស់នៅស្របច្បាប់ ក្នុងប្រទេសកម្ពុជា។
RFA/Den Ayuthyea
គ្រួសារខ្មែរកម្ពុជាក្រោមជួបជុំគ្នានៅមុខការិយាល័យ UNHCR ក្នុងរាជធានីភ្នំពេញ នៅថ្ងៃ២៨ ធ្នូ ២០០៩។
ឯកសារថតចម្លងដែលវិទ្យុអាស៊ីសេរីទើបទទួលបាន ឲ្យដឹងថា ក្រុមការងារចម្រុះបានចុះពន្យល់ណែនាំអំពីការស្នាក់នៅរបស់បង ប្អូនខែ្មរកម្ពុជាក្រោមដែលបានស្នើសុំឲ្យផ្ដល់សៀវភៅស្នាក់នៅ សៀវភៅគ្រួសារ សំបុត្របញ្ជាក់កំណើត អត្តសញ្ញាណប័ណ្ណសញ្ជាតិខែ្មរ ដោយផ្អែកលើ២ចំណុច។ ទី១ ទាំង៦គ្រួសារពុំមានទីលំនៅជាកម្មសិទ្ធិផ្ទាល់ខ្លួន (ផ្ទះជួលគេ) ទី២ ម្ចាស់ផ្ទះជួលឲ្យគាត់មិនឯកភាព។ » អានបន្ថែម »
