ព្រះសង្ឃខែ្មរក្រោម ៥អង្គដែលកំពុងលាក់ខ្លួនក្នុងទីក្រុងភ្នំពេញនាពេលនេះ បានអំពាវនាវសុំឲ្យរដ្ឋាភិបាលនិងអាជ្ញាធរក្រសួងមហាផ្ទៃបញ្ឈប់ ការចោទប្រកាន់និងការស្វែងរកចាប់ខ្លួន ដោយសារតែព្រះអង្គមិនបានបាចខិត្តប័ណ្ណប្រឆាំងថៃ្ង៧មករា ដូចការចោទប្រកាន់ពីអាជ្ញាធរក្រុងភ្នំពេញនោះទេ។
ព្រះសង្ឃខែ្មរកម្ពុជាក្រោមចំនួន ៥អង្គនោះបានរត់លាក់ខ្លួនទៅជ្រកកោននៅតាមផ្ទះរបស់ប្រជាពលរដ្ឋ នៅក្នុងរាជធានីភ្នំពេញចាប់ពីថៃ្ងទី៥ និងថៃ្ងទី៧ ខែមករា នៅគ្រាដែលមានអាជ្ញាធរមានរូបថត និងឈ្មោះស្វែងរកចាប់ខ្លួននៅក្នុងវត្តកន្លងមកនេះ។ » អានបន្ថែម »
ព្រះសង្ឃខ្មែរកម្ពុជាក្រោមចំនួន៥អង្គ ដែលបាននិមន្តពីប្រទេសថៃ កាលពីដើម
ខែមករានេះ បានអះអាងថា ព្រះអង្គកំពុងតែលាក់ព្រះកាយនៅក្នុងកន្លែងមាន
សុវត្ថិភាពមួយនៅក្នុងប្រទេសកម្ពុជា បន្ទាប់ពីបានទទួលដំណឹងថា អាជ្ញាធរ
រដ្ឋាភិបាលរបស់លោកនាយករដ្ឋមន្រ្តីហ៊ុន សែន កំពុងស្វែងរកចាប់ព្រះអង្គពី
បទសង្ស័យថា ជាប់ពាក់ព័ន្ធនឹងការបាចខិត្តបណ្ណប្រឆាំងថ្ងៃ ៧ ខែមករា ។ » អានបន្ថែម »
ស្រ្តីខែ្មរកម្ពុជាក្រោម៣នាក់នៅក្នុងចំណោមគ្រួសារខែ្មរ កម្ពុជាក្រោម២៤នាក់ ដែលកំពុងតែស្វែងរកសិទ្ធិរស់នៅស្របច្បាប់នៅកម្ពុជានោះ ពួកគាត់កំពុងតែធ្លាក់ខ្លួនឈឺស្លេកស្លាំងនិងចេញពងបែកពេញខ្លួន ប្រាណ ហើយត្រូវការជាចាំបាច់នូវថ្នាំព្យាបាលនិងស្បៀងអាហារសម្រាប់ បរិភោគប្រចាំថៃ្ង។
RFA/Sok Serey
១៤-មករា-១០: ស្រ្ដីខ្មែរកម្ពុជាក្រោម៣នាក់ក្នុងចំណោមគ្រួសារខ្មែរកម្ពុជា២៤ គ្រួសារដែលលាក់ខ្លួនក្នុងរាជធានីភ្នំពេញ កំពុងមានជំងឺនិងត្រូវការចាំបាច់នូវជំនួយជាស្បៀងអាហារសម្រាប់ បរិភោគនិងថ្នាំព្យាបាល។
ស្រ្តីខែ្មរកម្ពុជាក្រោមឈ្មោះ នាង ផល្លា មកពីខេត្តស្វាយទង នៃប្រទេសវៀតណាម ទឹកដីខែ្មរកម្ពុជាក្រោម ដែលមានជំងឺទ្បើងកន្លួលឬពងបែកពេញខ្លួនប្រាណ បានថែ្លងប្រាប់វិទ្យុអាស៊ីសេរីនៅកន្លែងលាក់ខ្លួននោះថា ៖ «ចេះតែឡើងអ៊ីចឹងពេញខ្លួន ឈឺឆ្អឹងឆ្អែងអស់ហើយ។ ទៅពេទ្យអង្គការលីកាដូគេថាជំងឺសើស្បែក។ ឡើង៦-៧ថ្ងៃហើយ»។ » អានបន្ថែម »
ព្រះសង្ឃខែ្មរកម្ពុជាក្រោម៥អង្គកំពុងតែលាក់ខ្លួនដើម្បី សុវត្ថិភាពពីការតាមចាប់ដោយអាជ្ញាធរនគរបាលក្រសួងមហាផ្ទៃ ដែលបានចោទប្រកាន់ថា ព្រះសង្ឃទាំងនោះបានបាចខិត្តប័ណ្ណឬត្រាក់ប្រឆាំងថៃ្ងជ័យជម្នះ ៧ មករា របស់គណបក្សប្រជាជនកម្ពុជាកាលពីពេលថ្មីៗនេះ។
ព្រះភិក្ខុសង្ឃព្រះនាម លីវ ផល្លី នៅក្នុងចំណោមព្រះសង្ឃខែ្មរកម្ពុជាក្រោមចំនួន៥អង្គដែលកំពុងតែ រស់នៅក្នុងការលាក់ខ្លួនដើម្បីសុវត្ថិភាពពីការតាមចាប់ខ្លួន បានមានថេរដីកាប្រាប់វិទ្យុអាស៊ីសេរីតាមទូរស័ព្ទនៅថ្ងៃព្រហស្បតិ៍ ទី១៤ ធ្នូនេះថា ៖ «អាត្មាលាក់ខ្លួននេះតាំងពីថ្ងៃ៧ មករាមក។ មូលហេតុដែលអាត្មាលាក់ខ្លួននេះ គឺដោយសារតែមានការចោទប្រកាន់ពីក្រសួងមហាផ្ទៃនិងរដ្ឋាភិបាល ចោទប្រកាន់ថា អាត្មាបានដើរបាចខិត្តប័ណ្ណ»។ » អានបន្ថែម »
ប្រជាពលរដ្ឋខ្មែរកម្ពុជាក្រោមចំនួន ១៩នាក់ដែលកំពុងស្នាក់នៅបណ្តោះអាសន្នជួលផ្ទះគេ នៅសង្កាត់បឹងទំពុន ខណ្ឌមានជ័យ ក្រុងភ្នំពេញ ស្នើសុំចៅសង្កាត់បឹងទំពុន ផ្តល់ប័ណ្ណគ្រួសារដល់ពួកគេដើម្បីអាចរស់នៅស្របច្បាប់បាននៅក្នុង ប្រទេសកម្ពុជា។
ក្នុងលិខិតចុះថ្ងៃទី៤ ខែមករា ឆ្នាំ២០១០ ដែលចុះហត្ថលេខាដោយលោក ថាច់ ស៊ុង តំណាងខ្មែរកម្ពុជាក្រោម ផ្ញើជូនលោកចៅសង្កាត់បឹងទំពុន លោក ថាច់ ស៊ុង បានបញ្ជាក់ថា ប្រជាពលរដ្ឋខ្មែរក្រោមទាំង ១៩នាក់នោះ ទោះបីជាបានមករស់នៅក្នុងប្រទេសកម្ពុជាតាំងពីឆ្នាំ២០០៦ និង ២០០៧ មក រហូតមកដល់ពេលនេះ អាជ្ញាធរមូលដ្ឋាននៅពុំទាន់ផ្តល់ជូននូវអត្តសញ្ញាណប័ណ្ណដល់ពួកគេ នៅឡើយទេដែលជាមូលហេតុ នាំឲ្យមានការពិបាកជាខ្លាំងក្នុងការរស់នៅ, ការប្រកបរបររកស៊ី រកការងារធ្វើ បញ្ជូនកូនឲ្យទៅរៀនសូត្រនៅសាលា និងចូលរួមសកម្មភាពនានាក្នុងសង្គម។
សូមរំឭកជូនថា ប្រជាពលរដ្ឋខ្មែរក្រោមទាំង ១៩នាក់នោះត្រូវបានអាជ្ញាធរថៃចាប់បញ្ជូនមកកម្ពុជាវិញ កាលពីថ្ងៃទី៥ ខែធ្នូ ឆ្នាំ២០០៩កន្លងមកនេះ បន្ទាប់ពីបាននាំគ្នារត់គេចខ្លួនពីការគាបសង្កត់និងធ្វើទុក្ខ បុកម្នេញពីសំណាក់អាជ្ញាធរវៀតណាមនៅកម្ពុជាក្រោម៕
ប្រភពពីវិទ្យុអាស៊ីសេរី
ដោយ៖ ចៅ មុនីខេមរា
ក្រុមជនភៀសខ្លួនខ្មែរកម្ពុជាក្រោម ដែលត្រូវបានក្រុមតម្រួតថៃចាប់បញ្ជូនទៅកាន់ប្រទេសកម្ពុជា បានឲ្យដឹងនៅ រសៀលថ្ងៃអង្គារ៍នេះថា ពួកគេកំពុងតែព្រួយបារម្ភអំពីសុវត្ថិភាពខណៈពេលពួកគេគ្មានកន្លែងស្នាក់អាស្រ័យ និងគ្មាន ការទទួលស្គាល់ពីអាជ្ញាធរកម្ពុជា ។
លោក ចៅ សុខា តំណាងជនភៀសខ្លួនខ្មែរក្រោម ដែលកំពុងសា្នក់នៅបណ្តោះអាសន្នក្នុងផ្ទះជួលមួយ នាទីក្រុងភ្នំពេញ បាននិយាយថាពួកគេនឹងមិនព្រមវិលត្រឡប់ទៅប្រទេសវៀតណាមវិញឡើយ ព្រោះខ្លាចរដ្ឋាភិបាលកុម្មុយនិស្តយួនធ្វើទុក្ខបុកម្នេញ ដោយសារតែពួកគេបានប្រឆាំងនឹងរដ្ឋអំណាចរឿងរឹបអូសយកដីធ្លីស្រែចំការ និងការរឹតបន្តឹងផ្នែកសេរីបញ្ចេញមតិ ។ លោក ចៅ សុខា មានប្រសាសន៍ឲ្យដឹងថា ប្រសិនបើរដ្ឋាភិបាលកម្ពុជាចាប់បញ្ជូនពួកគេទៅវៀតណាម នោះគឺជារឿងមួយគួរឲ្យព្រួយបារម្ភព្រោះមុននេះអាជ្ញាធរយួនបានចាប់ខ្លួនសកម្មជនតវ៉ាដីស្រែដាក់គុក ហើយរហូតមដល់ថ្ងៃនេះនៅមិនទាន់ឃើញដោះលែងឲ្យមានសេរីភាពនៅឡើយ ។ » អានបន្ថែម »
ដោយ៖ ចៅ មុនីខេមរា
តាមការឲ្យដឹងពីប្រជាកសិករខ្មែរ កំណើតខ្មែរកម្ពុជាក្រោមរស់នៅក្នុងខេត្តត្រាវិញ អតីតខេត្តព្រះត្រពាំង ដែនដីកម្ពុជា ក្រោមបានបង្ហើបឲ្យវិទ្យុសំឡេងកម្ពុជាក្រោមដឹងកាលពីព្រឹកថ្ងៃអង្គារ៍នេះថា ប៉ុន្មានថ្ងៃដំបូងនៃដើម្បីឆ្នាំ២០១០ នេះ គេសង្កេតឃើញកសិករខេត្តខាងលើ ដែលបានចិញ្ចឹមបង្កងសំដែងការសប្បាយចិត្ត ដោយសារទទួលបានទន្និផលខ្ពស់ រីឯតំលៃក៏បានកើនឡើងគួរសម ។ » អានបន្ថែម »
ដោយៈ ចៅ មុនីខេមរា
យោងតាមការបង្ហើបប្រាប់ពីកសិករខ្មែរក្រោមដែលកំពុងរស់នៅតាមដងទន្លេមេគង្គបានឲ្យដឹងថា ដោយសារតម្រូវការ នៃការប្រើប្រាស់ជីខ្ពស់នៅក្នុងរដូវស្រូវប្រាំងឆ្នាំ២០០៩-២០១០ នៅចុងខែធ្នូនេះក្រុមហ៊ុន និងសហគ្រាសលក់ជីរបស់ក្រុមយួន បានតំឡើងតំលៃជីយ៉ាងគំហុក ដែលប្រការនេះត្រូវបានក្រុមកសិករអះអាងថា តំលៃជីឡើងថ្លៃហួសពីការស្មានទុក ។
កសិករខ្មែរក្រោមម្នាក់ បានបង្ហើបឲ្យវិទ្យុសំឡេងកម្ពុជាក្រោមដឹងនៅព្រឹកថ្ងៃអង្គារ៍ ទី២៩ ធ្នូ ថា នៅរដូវស្រែប្រាំងឆ្នាំ២០០៩-២០១០ បច្ចុប្បន្នតំលៃជីគ្រប់ប្រភេទត្រូវបានក្រុមឈ្មួញយួនតម្លើងតំលៃខ្ពស់កប់ពពក ។ ប្រភេទជី Ure,ជី DAP, ជី NPK និងជី Kali។ល។ គឺមានតំលៃកើនឡើងចាប់ពី ២០ ០០០-៦០ ០០០ដុង បាវដែលមានចំណុះ៥០ គីឡូក្រាម ។ កសិករខ្មែរក្រោមបន្តអះអាងថា នៅតាមសហគ្រាស និងក្រុមហ៊ុនលក់ជីនានាក្នុងទីរួមស្រុក និងខេត្ត តំលៃជីUreដែល ផលិតនៅប្រទេសអ៊ីនដូណេស៊ី តំលៃដើមត្រឹមតែ២៥០ ០០០ -២៩០ ០០០ដុង ប៉ុន្តែបច្ចុប្បន្ននេះបានកើនឡើងដល់ ៣៥០ ០០០-៣៦០ ០០០ដុងក្នុងមួយបាវ ។ » អានបន្ថែម »
