ស្រី្តខែ្មរក្រោមម្នាក់បានរត់ភៀសខ្លួនពីការគាបសង្កត់និងការ តាមចាប់ខ្លួនរបស់អាជ្ញាធរវៀតណាម មកកាន់ប្រទេសកម្ពុជាដើម្បីលាក់ខ្លួន។
ស្រ្តីខែ្មរកម្ពុជាក្រោមម្នាក់បានរត់ភៀសខ្លួនពីស្រុកបាយឆៅ ខេត្តឃ្លាំង អតីតទឹកដីខែ្មរកម្ពុជាក្រោមដែលកំពុងកាន់កាប់ដោយវៀតណាមនោះ បានមកដល់ប្រទេសកម្ពុជាកាលពីពេលថ្មីៗនេះ ដើម្បីលាក់ខ្លួនក្រោយពីការតាមចាប់ដោយនគរបាលវៀតណាម ដោយសារអ្នកស្រីនិងគ្រួសារខែ្មរកម្ពុជាក្រោមដទៃទៀតបានងើបតវ៉ា ទាមទារដីធ្លីកន្លងមក។ » អានបន្ថែម »
ក្នុងរយៈពេលមួយឆ្នាំកន្លងផុតទៅ សហព័ន្ធខ្មែរកម្ពុជាក្រោម បានបន្តធ្វើសកម្មភាពយ៉ាង មមាញឹក ដែលទាក់ទិនទៅនឹងបញ្ហាសិទ្ធិមនុស្ស និងសិទ្ធិសម្រេចវាសនាខ្លួនដោយខ្លួនឯង លើ ឆាកអន្តរជាតិ ក្នុងទិសដៅតែមួយគត់ គឺទាមទារសិទ្ធិសេរីភាព និងជំនឿសាសនាខ្មែរ នៅកម្ពុជា ក្រោម ពីរបបអាណានិគមយួនកុម្មុយនីស្តបច្ចុប្បន្ន។
មហាសន្និបាតប្រចាំឆ្នាំ នៃសហព័ន្ធខ្មែរកម្ពុជាក្រោម ដែលនឹងប្រព្រឹត្តទៅនាថ្ងៃសៅរ៍ និង អាទិត្យ ទី១២-១៣ ខែធ្នូ ឆ្នាំ២០០៩ ខាងមុខនេះ នៅទីក្រុងសាន់ហូស្សេ រដ្ឋកាលីហ្វ័រញ៉ា សហរដ្ឋ អាមេរិក។
របៀបវារៈនៃមហាសន្និបាតនោះរួមមាន ៖
- របាយការណ៍ប្រចាំឆ្នាំ២០០៩។
- ផែនការឆ្នាំ២០១០។
- បន្តសកម្មភាពដំណើរឆ្ពោះទៅកាន់មាតុភូមិ។
- វគ្គសិក្សាកិច្ចការរដ្ឋបាល និងការដឹកនាំសហព័ន្ធ។
សូមបញ្ជាក់ថា នៅក្នុងមហាសន្និបាតនោះ ក៏មានវត្តមាន លោក តោ គឹម ថុង អធិបតី សហ ព័ន្ធខ្មែរកម្ពុជាក្រោម និងថ្នាក់ដឹកនាំជាន់ខ្ពស់ រួមទាំងប្រធានតំបន់ ប្រធានសាខា សមាជិក-កា នៃ សហព័ន្ធខ្មែរកម្ពុជាក្រោម អញ្ជើញទៅពីបណ្តារដ្ឋនានា ជុំវិញសហរដ្ឋអាមេរិក កាណាដា និង ប្រទេសបារាំងផងដែរ។
ពលរដ្ឋខែ្មរក្រោមជាច្រើនរយគ្រួសារនៅក្នុងឃុំអាងគឺ ស្រុកទិនបៀង ខេត្តអានយ៉ាង បានអះអាងថា ក្រុមនគរបាលវៀតណាមជាច្រើននាក់បានដើរគំរាមគ្រួសារខែ្មរក្រោមពី ផ្ទះមួយទៅផ្ទះមួយទៀតឲ្យដកពាក្យបណ្តឹងដីធ្លីរបស់ពួកគាត់ចេញ ពីអាជ្ញាធរវិញ បើមិនដូច្នោះទេអាជ្ញាធរនឹងចាប់ខ្លួនពួកគាត់នាពេលឆាប់ៗខាងមុខ នេះ។ » អានបន្ថែម »
ពលរដ្ឋខែ្មរក្រោមនៅស្រុកទិនបៀង ខេត្តអានយ៉ាង នៃប្រទេសវៀតណាម បានឲ្យដឹងថា មានក្រុមនគរបាលវៀតណាមនិងក្រុមជើងកាងជាច្រើននាក់ បានមកហាមឃាត់ពួកគាត់មិនឲ្យធ្វើស្រែនៅលើដីដូនតា កាលពីថ្ងៃ១៦ វិច្ឆិកា។
ក្រុមគ្រួសារខែ្មរកម្ពុជាក្រោមនៅក្នុងឃុំអាងគឺ ស្រុកទិនបៀង ខេត្តអានយ៉ាង ឬខេត្តមាត់ជ្រូក នៃប្រទេសវៀតណាម បានអះអាងថា ក្រុមនគរបាលវៀតណាមជាង៣០នាក់និងក្រុមជើងកាងជាច្រើននាក់ទៀត បានមកហាមឃាត់និងគំរាមពួកគាត់មិនឲ្យធ្វើស្រែនៅលើដីស្រែដូនតា របស់ពួកគាត់ទេ នៅគ្រាដែលគ្រួសារទាំងនោះបានចុះទៅសាបព្រោះស្រូវនៅថៃ្ង១៦ វិច្ឆិកា។ » អានបន្ថែម »
លិខិតប្រសិទ្ធិពរ
ជូនចំពោះ ៖ សហព័ន្ធខ្មែរកម្ពុជាក្រោម
តាមរយៈ លោកប្រធានសភាព្រឹទ្ធាចារ្យ ចៅ រៀប
លោកប្រធានជាទីគោរព ខ្ញុំ និងសិស្សគណរបស់ខ្ញុំ ទាំងនៅមាតុភូមិយើង និង នៅព្រះរាជាណាចក្រ កម្ពុជាមានសេចក្ដីត្រេកអរក្រៃលេង ដែលខ្មែរយើងទទួល បានជោគជ័យជាច្រើន ដោយបុព្វហេតុតស៊ូយ៉ាងស្វាញរបស់ សហព័ន្ធខ្មែរកម្ពុជា ក្រោម ។
ខ្ញុំ យើងខ្ញុំ សូមប្រសិទ្ធិពរជ័យ ជូនដល់សហព័ន្ធខ្មែរកម្ពុជាក្រោម ក្នុងដំណើរ ការប្រជុំនាប្រទេសអ៊ុយក្រែនលើកនេះ ឲ្យកាន់តែទទួលបានជោគជ័យថ្មី ៗ ទ្វេថែម ទៀត ដើម្បីបុព្វហេតុជាតិ មាតុភូមិ។
ប្រសិទ្ធិពរជ័យ សូមពុទ្ធពរទាំងឡាយ ៤ ប្រការ គឺ៖ អាយុ វណ្ណៈ សុខៈ ពលៈ ចូរចំរុង ចំរើន ថែមទៀត ដល់សកម្មជនសហព័ន្ធខ្មែរកម្ពុជាក្រោម គ្រប់ឋានានុក្រម ព្រមទាំងគ្រួរសារ កុំបីអាក់ឡើយ។
ដោយអំណាច ផល្លានិសង្ស ដែលខ្ញុំបានសាងសន្សំអស់ច្រើនឆ្នាំកន្លងមកនេះ, ដោយអំណាចសកម្មភាព ដ៏អង់អាច វៀងវៃ របស់សហព័ន្ធខ្មែរកម្ពុជាក្រោម សូម ឲ្យជាតិ មាតុភូមិកម្ពុជាក្រោម រួចផុតពីនឹមអាណានិគមគ្រប់ប្រភេទ ក្នុងពេលឆាប់ នេះ៕
ភ្នំពេញថ្ងៃទី ១១ តុលា ២០០៩
ខ្ញុំ ឋាច់ សុមេធ
ដោយៈ សឺង សុជាតិ
សហព័ន្ធខ្មែរកម្ពុជាក្រោម បានទទួលជោគជ័យ ក្នុងការរៀបចំធ្វើសន្និសីទ «ទិវាកម្ពុជា ក្រោម» នៅប្រទេសបារាំង ដោយមានការគាំទ្រយ៉ាងក្រៃលែង និងផ្តល់អនុសាសន៍ជាគោល ការណ៍សំខាន់ៗជាច្រើនពីសំណាក់អន្តរជាតិ ដើម្បីជំរុញឲ្យការតស៊ូ ដោយសន្តិវិធីរបស់សហព័ន្ធ ខ្មែរកម្ពុជាក្រោម ក្នុងការទាមទារសិទ្ធិសម្រេចវាសនាខ្លួនដោយខ្លួនឯង ពីរបបអាណានិគមយួន កុម្មុយនីស្តបច្ចុប្បន្ន។ ហើយសកម្មភាពទាំងនេះ ផលិតកម្មខ្មែរក្រោម បានផលិត DVD ជាកម្រង ឯកសារជាប្រវត្តិសាស្រ្ត។ » អានបន្ថែម »
