ពលរដ្ឋខែ្មរកម្ពុជាក្រោមជាង៦០គ្រួសារក្នុងឃុំអាងគឺ ស្រុកទិនបៀង ខេត្តអានយ៉ាង អតីតទឹកដីខ្មែរកម្ពុជាដែលកំពុងកាន់កាប់ដោយអាជ្ញាធរវៀតណាម បច្ចុប្បន្ននេះ បានប្រមូលផ្តុំគ្នានៅលើដីស្រែរបស់ខ្លួនដើម្បីការពារដីនិង រារាំងអាជ្ញាធរវៀតណាមមិនឲ្យកាយដីឬជីកព្រែកធ្វើឲ្យបាត់បង់ដី ស្រែកសិកម្មរបស់ពួកគាត់ដោយគ្មានសំណងនោះ នៅថៃ្ងទី៣០ ខែសីហា។ » អានបន្ថែម »
នៅថ្ងៃអាទិត្យនេះ រដ្ឋទីម័រខាងកើតប្រារព្ធខួប១០ឆ្នាំនៃប្រជាមតិធ្វើក្រោមការត្រួត ពិនិត្យមើលដោយអ.ស.ប.ដែលបានអនុញ្ញាតឱ្យបិទជាលំដាប់លំដោយទំព័រ កាន់កាប់ទឹកដីដោយឥណ្ឌូណេស៊ី។ នៅថ្ងៃ៣០សីហា១៩៩៩ ជនជាតិទីម័រភាគច្រើនចំនួនដល់ទៅ៧៨% បានបញ្ចេញមតិខ្លួនដើម្បី ឯករាជ្យ។ រដ្ឋដ៏តូចច្រមក់នេះបានស្ថិតនៅក្រោមអាណាព្យាបាលរបស់អ.ស.ប.រហូត ដល់ឆ្នាំ២០០២។
នៅថ្ងៃសៅរ៍នេះមានការវាយប្រហារជាថ្មីរវាងកងកម្លាំងរដ្ឋាភិបាល ភូមានិងក្រុមជាតិពន្ធុហៅថា Shanនៅតំបន់ប៉ែកឦសានបណ្តាលឲ្យមានមនុស្សស្លាប់ម្នាក់។ អំពើហិង្សាដែលចាប់ផ្ទុះតាំងពីដើមខែសីហានិងកំពុងបន្តទៅមុខទៀត នៅស្រុក Kokang ប៉ែកខាងកើតដោយបានជំរុញឲ្យជនភៀស រាប់ពាន់នាក់រត់ទៅជ្រកកោនក្នុងទឹកដីចិន។ អាជ្ញាធរ Pekin បានបញ្ចេញប្រតិកម្ម ព្រមានរបបសឹកភូមាឲ្យដោះស្រាយវិបត្តិផ្ទៃក្នុងជាបន្ទាន់ដើម្បី ឲ្យតំបន់កើតហេតុបានស្ថិរភាពឡើងវិញ។
យោងតាម ”អង្គការដើម្បីប្រទេសភូមា” ដែលមានទីតាំងនៅសហរដ្ឋអាមេរិក ភាពតានតឹងនៅតំបន់ ប៉ែកឦសាន បានចាប់ផ្ទុះតាំងពីដើមខែសីហា នៅពេលយោធាផ្តាច់ការភូមាបានបញ្ជូនទាហានរាប់រយនាក់ទៅកាន់ ស្រុក Kokang ជាប់ព្រំប្រទល់ប្រទេសចិន។ » អានបន្ថែម »
ប្រជាពលរដ្ឋខែ្មរក្រោមជាង៤០០គ្រួសារនៅស្រុកទិនបៀង ខេត្តអានយ៉ាង ប្រទេសវៀតណាម ប្រភពបានឲ្យដឹងថា ពួកគាត់មានគ្រោងចេញធ្វើបាតុកម្មអហិង្សារួមគ្នាមួយនៅថៃ្ង៣០ សីហា ដើម្បីសម្ដែងការតវ៉ានិងជំទាស់ទៅនឹងផែនការជីកព្រែកដែលនាំឲ្យ ខូចខាតនិងបាត់បង់ដីស្រែកសិកម្មរបស់ពួកគាត់ច្រើនរយហិកតារហើយ គ្មានសំណងអ្វីសោះ។
ប្រជាពលរដ្ឋខែ្មរកម្ពុជាក្រោមម្នាក់នៅក្នុងចំណោមគ្រួសាររងគ្រោះ ជាង៤០០គ្រួសារនោះបានថែ្លងប្រាប់វិទ្យុអាស៊ីសេរីតាមទូរស័ព្ទពី ស្រុកទិនបៀង ខេត្តអានយ៉ាង ប្រទេសវៀតណាមនោះថា នឹងមានការងើបតវ៉ាធ្វើបាតុកម្មរួមគ្នាបញ្ឈប់គ្រឿងចក្រជីកព្រែក ៖ «ថ្ងៃស្អែកហ្នឹងត្រៀមខ្លួនថា ចង់គេសម្លាប់ម៉េចក៏មិនខ្លាចដែរ! ទៅកន្លែងដីប្រឡាយរបស់ខ្ញុំផ្ទាល់ មិនឲ្យជីកតទៅទៀតទេ។ ពួកខ្ញុំសុំឲ្យឈប់ពេលហ្នឹង បើថាគេមិនដោះស្រាយឲ្យពួកខ្ញុំ ពួកខ្ញុំមិនព្រមឲ្យធ្វើទេ សុខចិត្តស្លាប់នៅនឹងដីស្រែដីចម្ការរបស់ពួកខ្ញុំហ្នឹងហើយ។ គេកំពុងតែកាយ គេកាយក្នុងថ្ងៃស្អែកហ្នឹងហើយ ស្អែកហ្នឹងគេកាយមែនទែនហើយ។ ពួកខ្ញុំមូលគ្នាទាំងអស់ គ្រប់ភូមិហ្នឹង មិនឲ្យគេធ្វើទេក្នុងថ្ងៃស្អែកហ្នឹង»។ » អានបន្ថែម »
ប្រភពអ្នកការពារខ្មែរក្រោមនៅទីក្រុងភ្នំពេញបានឲ្យដឹងថា ពលរដ្ឋខែ្មរកម្ពុជាក្រោមចំនួន១០គ្រួសារក្នុងចំណោមជាង២០០គ្រួសារ ជាកសិករនៅក្នុងស្រុកទិនបៀង ខេត្តអានយ៉ាង ប្រទេសវៀតណាម កំពុងរងការគំរាមចាប់ខ្លួនពីសំណាក់អាជ្ញាធរវៀតណាមនាពេលថ្មីៗនេះ បើសិនពួកគាត់នៅតែបន្តការតវ៉ានិងរារាំងមិនឲ្យគ្រឿងចក្រនានាជីក ព្រែកកាត់ដីស្រែពួកគាត់នាពេលឆាប់ៗនេះ។
មានប្រសាសន៍តាមទូរស័ព្ទពីប្រទេសវៀតណាម ប្រជាពលរដ្ឋខែ្មរកម្ពុជាក្រោមម្នាក់នៅក្នុងចំណោម១០គ្រួសារនោះរស់ នៅក្នុងស្រុកទិនបៀង ខេត្តអានយ៉ាង បានថែ្លងប្រាប់វិទ្យុអាស៊ីសេរីថា ក្រុមគ្រួសាររបស់លោកស្រីមានដីស្រែចំនួន១២កុង ហើយអាជ្ញាធរវៀតណាមកំពុងតែជីកព្រែកពុះកាត់ដីស្រែនេះដោយគ្មាន សំណងទេ ដូច្នេះហើយបានជាលោកស្រីទាមទារសំណង ប៉ុន្តែរងការគំរាមទៅវិញ ៖ «ព្រែកហ្នឹងគេជីកហ្នឹង ខ្ញុំឃាត់គេ គេឈប់ជីកដែរ។ ឥឡូវហ្នឹងគេថា ៣-៤ថ្ងៃទៀតហ្នឹងគេយកពួកអាវក្រោះមកចាប់ពួកខ្ញុំដាក់ឡានយក ទៅ ហើយឆ្កែគេទៀត គេយកមកឲ្យខាំពួកខ្ញុំ។ ពួកខ្ញុំសុខចិត្តនៅងាប់នឹងដីហ្នឹង បើគេមកកាប់សម្លាប់ក៏ដោយ បាញ់សម្លាប់នៅនឹងដីហ្នឹង ហើយបើចាប់យកទៅណាក៏ខ្ញុំទៅដែរ»។ » អានបន្ថែម »
ខ្មែរកម្ពុជាក្រោមជាអតីតព្រះសង្ឃគ្រូបង្រៀនសាលាបាលីជាន់ ខ្ពស់៥រូបនឹងត្រូវចាកចេញទៅប្រទេសហ្វាំងឡង់និងប្រទេសហុល្លង់ បន្ទាប់ពីឧត្តមស្នងការសហប្រជាជាតិទទួលបន្ទុកជនភៀសខ្លួន (UNHCR) នាក្រុងបាងកក ទទួលស្គាល់ថាជាជនភៀសខ្លួនស្របច្បាប់រួចមក។
លោក ថាច់ ឡានី បេសកជនពិសេសរបស់សហព័ន្ធខ្មែរក្រោមទទួលបន្ទុកកិច្ចការសិទ្ធិមនុស្ស និងសេរីភាពសាសនានៃជនជាតិខ្មែរក្រោម បានមានប្រសាសន៍ថា ៖ «អ្នក ដែលបានសម្ភាសហើយដែលជាប់ហ្នឹង គឺថាបានតិចតួចមែនទែន។ ឥឡូវនេះទើបបានលោក៥អង្គដែលយួនចាប់ដាក់ពន្ធនាគារ អស់រយៈពេលជាង១ឆ្នាំហ្នឹង ហើយឥឡូវហ្នឹងក៏បានភៀសខ្លួនមកដល់បាងកក ហើយក៏បានសម្ភាសជាប់។ អង្គការ UNHCR ហើយមានប្រទេស២ ដែលគេបម្រុងយកចេញទៅ ដើម្បីនៅប្រទេសទី៣ហ្នឹង មាន២នាក់បានជាប់ទៅប្រទេសហ្វាំងឡង់ ហើយ៣ទៀតបានទៅប្រទេសហុល្លង់ ហ្នឹងទាំង៥ហ្នឹង»។ » អានបន្ថែម »
ជនជាតិខ្មែរដែលមានដើមកំណើតនៅកម្ពុជាកណ្តាល រហូតដល់ទៅប្រមាណ ៧០% នៅរដ្ឋNorth Carolina សហរដ្ឋអាមេរិក បានត្រូវរាយការណ៍ថា បានគាំទ្រចលនាសហព័ន្ធខ្មែរកម្ពុជាក្រោម ដើម្បីទាមទារស្វ័យភាពក្នុងការធ្វើការសម្រេចចិត្តលើភ័ព្វវាសនា ខ្លួនដោយខ្លួនឯង នៃជនជាតិខ្មែរដែលកំពុងរស់នៅលើទឹកដីកម្ពុជាក្រោម។
លោក ថាច់ ង៉ុកថាច់ នាយកប្រតិបត្តិនៃសហព័ន្ធខ្មែរកម្ពុជាក្រោម ដែលបានត្រូវអញ្ជើញជាអធិបតីនៃកិច្ចប្រជុំពេញមួយថ្ងៃនាទីក្រុង ឆាឡុត កាលពីថ្ងៃសៅរ៍ ចុងសប្តាហ៍នេះ បានសម្តែងនូវការចាប់អារម្មណ៍ប្រកបដោយភាពប្លែកក្នុងចិត្ត។ » អានបន្ថែម »
មន្ត្រីទទួលបន្ទុកសិទ្ធិមនុស្សរបស់សហព័ន្ធខ្មែរកម្ពុជាក្រោម ដែលមានទីស្នាក់ការបណ្តោះអាសន្ននៅទីក្រុងបាងកក បានអំពាវនាវសុំរដ្ឋាភិបាលកម្ពុជា ឲ្យបន្ធូរបន្ថយលក្ខខណ្ឌផ្សេងៗក្នុងការដាក់ទៅលើជនជាតិខ្មែរ ក្រោម ដែលបានភៀសខ្លួនចូលមកកម្ពុជាដើម្បីទទួលបាននូវអត្តសញ្ញាណប័ណ្ណ ខ្មែរ។
លោក ថាច់ ឡេនី មន្ត្រីសហព័ន្ធខ្មែរកម្ពុជាក្រោម ទទួលបន្ទុកកិច្ចការសិទ្ធិមនុស្ស បានធ្វើសេចក្តីអំពាវនាវនេះកាលពីយប់មិញ សុំឲ្យរដ្ឋាភិបាលកម្ពុជាពិនិត្យមើលការប្រតិបត្តិរបស់អាជ្ញាធរ ខ្មែរក្នុងការជួយសម្រួលភាពលំបាកនៃជនភៀសខ្លួនខ្មែរក្រោម ដែលកំពុងជួបប្រទះក្នុងពេលមកដល់កម្ពុជាហើយនោះ។ » អានបន្ថែម »
